spot_img
27 C
Guwahati
Monday, September 20, 2021
spot_img
Homeবিশ্বসলনি হোৱা নাই তালিবানঃ মূৰ ফালিলে মহিলা প্ৰতিবাদকাৰীৰ

সলনি হোৱা নাই তালিবানঃ মূৰ ফালিলে মহিলা প্ৰতিবাদকাৰীৰ

ডিজিটেল ডেস্কঃ বিশ্বৰ সন্মুখত নিজৰ নমনীয় আৰু পৰিৱৰ্তিত ৰূপৰ ছৱি এখন উপস্থাপন কৰিবলৈ বিচাৰিলেও আচলতে সলনি হোৱা নাই তালিবানৰ চৰিত্ৰ।সেইবাবেই তালিবানীৰ দ্বাৰা আফগানিস্তানৰ অধিগ্ৰহণৰ পাছতেই পৰিস্হিতি দিনে দিনে অধিক উদ্বেগজনক হৈ পৰিছে । দেশখনৰ ঠাই বিশেষে বিভিন্ন দল সংগঠন প্ৰতিবাদমুখৰ হৈ পৰা পৰিলক্ষিত হৈছে ।

শনিবাৰে এনে এক প্ৰতিবাদী কাৰ্যসূচীয়ে ৰূপায়ণ কৰিছিল আফগানিস্তানৰ কিছু সংখ্যক মহিলা সমাজ কৰ্মীয়ে।কিন্তু নাৰীৰ এই মুক্ত প্ৰতিবাদ সহ্য নহ’ল তালিবানৰ।গুৰুলাগুৰুলকৈ প্ৰহাৰ কৰিলে সক্ৰিয় সমাজকৰ্মী নাৰ্গিছ চাদ্দাক।

উল্লেখ্য যে মহিলা কৰ্মী সকলে ৰাষ্ট্ৰপতিৰ প্ৰাসাদৰ সন্মুখত প্ৰতিবাদী কাৰ্যসূচী ৰূপায়ণ কৰাৰ উদ্দেশ্যৰে একগোট হৈছিল।কিন্তু তেওঁলোকক ইছলামিক এমিৰেটৰ সদস্য সকলে প্ৰতিবাদী কাৰ্যসূচী ৰূপায়ণৰ অনুমতি দিয়া নাছিল।ইয়াৰ পিছতেই তালিবানীয়ে মহিলা প্ৰতিবাদকাৰী সকলৰ ওপৰত কন্দুৱা গেছ প্ৰয়োগ কৰে।তাতেই ক্ষান্ত নাথাকি নিৰস্ত্ৰ প্ৰতিবাদকাৰীৰ ওপৰত তালিবানীয়ে গুলীবৰ্ষণো কৰে।সাংবাদিক সকলকো প্ৰতিবাদস্থলীৰ পৰা আতঁৰি আহিবলৈ নিৰ্দেশ দিয়া হয় ।

তালিবানীৰ এই আক্ৰমণতে নাৰ্গিছ চাদ্দাই মূৰত আঘাত পোৱাৰ লগতে মুখৰ পৰাও তেজ বৈ আহে।
এই সমস্ত ঘটনাই তালিবানীৰ প্ৰকৃত স্বৰূপ প্ৰকাশ কৰিছে আৰু তালিবানী শাসনত আফগান নাৰীৰ কেনে দুৰ্দশা হ’ব তাৰো আভাস দিছে।এই ঘটনাত ইতিমধ্যেই বিশ্ব সম্প্ৰদায়ে উদ্বেগ প্ৰকাশ কৰিছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
27 ° C
27 °
27 °
89 %
0kmh
75 %
Mon
32 °
Tue
31 °
Wed
30 °
Thu
31 °
Fri
32 °

Watch latest Movies & TV Series on Prag Play

Most Popular