spot_img
26 C
Guwahati
Monday, September 27, 2021
Homeআন্তঃৰাষ্ট্ৰীয়পাকিস্তানৰ বিৰুদ্ধে প্ৰতিবাদ: তালিবানে গুলীয়ালে প্ৰতিবাদী মহিলাক

পাকিস্তানৰ বিৰুদ্ধে প্ৰতিবাদ: তালিবানে গুলীয়ালে প্ৰতিবাদী মহিলাক

ডিজিটেল ডেস্কঃ তালিবানৰ উত্থানত পাকিস্তানৰ সহায়ৰ হাত থকাৰ কথা এতিয়া আৰু কাৰো বাবেই অজানা কথা নহয়। আফগানিস্তান্ত তালিবানৰ চৰকাৰ গঠনৰ ক্ষেত্ৰতো এনেকি আগভাগ লৈ আছে পাকিস্তানে। কাবুলত চৰকাৰ গঠনৰ প্ৰাক:ক্ষণত তালিবানী নেতৃত্বৰ সৈতে ঘনাই আলোচনাত বহিছে আই এছ আইৰ মুৰব্বী ফইজ আহমেদ। পাঞ্জশ্বিৰ দখল কৰি আফগানিস্তানত নিজৰ একচত্ৰী সাম্ৰাজ্য প্ৰতিষ্ঠা কৰাৰ বাবে ব্যগ্ৰ হৈ থকা তালিবানী শাসকক সহায়ৰ হাত আগবঢ়াই পাকিস্তানী বায়ু সেনাই পাঞ্জশ্বিৰত বোমা বৰ্ষণ কৰাৰ অভিযোগো উত্থাপিত হৈছে।

এই কথাবোৰ বিশ্বই জানিছে। শান্তিপ্ৰিয় আফগানসকলে জানো জনা নাই? জানিছে, জনাটোৱেই স্বাভাৱিক। আৰু সেইবাবেই এতিয়া তালিবানৰ বিৰুদ্ধে আৰম্ভ হোৱা আফগান জনতাৰ প্ৰতিবাদে সামৰি লৈছে পাকিস্তানকো।
মঙলবাৰে ৭০ জনীয়া মহিলাৰ এনে এক প্ৰতিবাদী দল সমবেত হয় কাবুলস্থিত পাকিস্তানী দূতাবাসৰ সন্মুখত। তেওঁলোকে দূতাবাসৰ সন্মুখভাগ উত্তাল কৰি তোলে পাকিস্তান বিৰোধী শ্লোগানেৰে। কিন্তু নিজৰ ত্ৰাণকৰ্তা পাকিস্তানৰ বিৰুদ্ধে প্ৰতিবাদৰ এই ধ্বনি কিদৰে সহ্য কৰি তালিবানী শাসকে!

পাকিস্তান বিদ্বেষী এইসকল মহিলাক ছত্ৰভংগ দিয়াবলৈ তালিবানী যোদ্ধাই গুলীচালনা কৰিলে শূণ্যলৈ। ইয়াৰ পিছতে তালিবানী প্ৰবক্তাই আগবঢ়ালে স্পষ্ট ঘোষণা- – – “আমাৰ শাসনৰ বিৰুদ্ধে মাত মতা যিকোনো শক্তিকে অতি কঠোৰভাৱে আঘাত কৰা হ’ব”। উল্লেখ্য যে দুদিন পূৰ্বে তালিবানীয়ে প্ৰতিবাদকাৰী মহিলাক প্ৰহাৰ কৰি মূৰ ফালি পেলাইছিল। যি নহওঁক, আফগনিস্তানৰ ভূমিত পাকিস্তান বিদ্বেষী যিকোনো কণ্ঠক ৰোধ কৰিবলৈ তৎপৰ হৈ উঠা তালিবানীৰ বন্দুকৰ গৰ্জনে তালিবান আৰু পাকিস্তানৰ দৃঢ় মিত্ৰতাৰ সম্পৰ্ককে প্ৰকট কৰে বুলি সহজে বুজিব পাৰি।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
thunderstorm
26 ° C
26 °
26 °
89 %
0kmh
75 %
Mon
26 °
Tue
31 °
Wed
29 °
Thu
29 °
Fri
31 °

Watch latest Movies & TV Series on Prag Play

Most Popular