spot_img
28 C
Guwahati
Sunday, September 19, 2021
spot_img
Homeবিশ্বভুলুণ্ঠিত মানৱতা! আফগানৰ গৰ্ভৱতী আৰক্ষীক হত্যা তালিবানৰ

ভুলুণ্ঠিত মানৱতা! আফগানৰ গৰ্ভৱতী আৰক্ষীক হত্যা তালিবানৰ

কাবুলঃ বিশ্বনাগৰিকৰ সন্মুখত বাৰম্বাৰ উদাৰনীতিৰ কথা দোহাৰি থাকিলেও আপাত দৃষ্টিত সলনি হোৱা নাই তালিবানৰ নৈতিক চৰিত্ৰ। সেইবাবে আফগানভূমিত তালিবানী আগ্ৰাসনৰ সমান্তৰালকৈ বৃদ্ধি পাইছে নাৰকীয় ঘটনাৰ। তালিবানৰ দ্বাৰা সংঘটিত ঘটনাই উদ্বেগ বৃদ্ধি কৰাৰ লগতে ভীতি-সন্ত্ৰস্ত কৰি তুলিছে আফগান নাগৰিকক। মহিলাৰ নিৰাপত্তাৰ ক্ষেত্ৰত উদাৰনীতি গ্ৰহণ কৰিব বুলি আশ্বাস দিয়া তালিবানে পৰৱৰ্তী সময়ত আফগান মহিলাকসকলকে লক্ষ্য কৰি লোৱা দেখা গৈছে।

আফগান মহিলাৰ ওপৰত শূন্য সহনশীল নীতি গ্ৰহণ কৰিছে তালিবানে। বোৰ্খা পৰিধান নকৰা মহিলাৰ ওপৰত নিৰ্বিচাৰ গুলীবৰ্ষণ কৰা হৈছে। যুদ্ধ-বিধ্বস্ত দেশখনৰ নিয়ন্ত্ৰণ লোৱাৰ পাছত চৰকাৰ গঠনৰ ক্ষেত্ৰত মহিলা প্ৰতিনিধিত্বৰ দাবীত সহস্ৰ আফগান মহিলাই হেৰাটত প্ৰতিবাদী কাৰ্যসূচী হাতত লোৱাৰ পাছতে ক্ৰমাত্‍ অধিক বিপথগামী হৈছে আফগানিস্তানৰ সমকালীন পৰিস্থিতি। প্ৰতিবাদী সমদলক ছত্ৰভংগ দিয়াবলৈ মহিলাসকলৰ ওপৰত নিৰ্বিচাৰে প্ৰহাৰ কৰিছে তালিবানে। শেহতীয়াকৈ পোহৰলৈ আহিছে এক মৰ্মান্তিক ঘটনা।

আফগানিস্তানৰ ঘোৰ প্ৰদেশত এগৰাকী আফগান মহিলা আৰক্ষীক হত্যা কৰিছে তালিবানে। তেওঁৰ পৰিয়ালৰ সন্মুখতে গুলীয়াই হত্যা কৰা বুলি এগৰাকী আফগান সাংবাদিকে টুইটাৰযোগে সদৰী কৰিছে। জানিবলৈ পোৱা মতে, মহিলা আৰক্ষীগৰাকী ৬মহীয়া গৰ্ভৱতী আছিল। ইয়াৰ পূৰ্বেও আফগান মহিলা কৰ্মী নাৰ্গিছ চাদ্দাক আক্ৰমণৰ লক্ষ্য কৰি লৈছিল তালিবানে। কট্টৰপন্থী মৌলবাদী সংগঠনটোৰ সাম্প্ৰতিক স্থিতিত আফগান মহিলাসকলে তালিবানৰ শাসনকালত এক অনিশ্চিত ভৱিষ্যতৰ সন্মুখীন হোৱাৰ সম্ভাৱনাই অধিক ঘণীভূত হৈ পৰিছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
28 ° C
28 °
28 °
89 %
0kmh
40 %
Sun
27 °
Mon
31 °
Tue
31 °
Wed
30 °
Thu
30 °

Watch latest Movies & TV Series on Prag Play

Most Popular