spot_img
27 C
Guwahati
27 C
Guwahati
বুধবাৰ, ডিচেম্বৰ 1, 2021
Homeআন্তঃৰাষ্ট্ৰীয়বাংলাদেশৰ মন্দিৰ, হিন্দু লোকৰ ওপৰত পৰিকল্পিত আক্ৰমণ; শতাধিক হতাহত

বাংলাদেশৰ মন্দিৰ, হিন্দু লোকৰ ওপৰত পৰিকল্পিত আক্ৰমণ; শতাধিক হতাহত

ডিজিটেল ডেস্ক : বাংলাদেশত পুনৰ ভয়ংকৰ সাম্প্ৰদায়িক সংঘৰ্ষ। মুছলমান লোকৰ বসতিপ্ৰধান দেশখনত পুনৰ নিৰ্বিচাৰ পৰিকল্পিত আক্ৰমণৰ বলি হৈছে সংখ্যালঘু হিন্দুসকল। এই আক্ৰমণত পুনৰ দুজন হিন্দু লোকে প্ৰাণ হেৰুৱাবলগীয়া হৈছে।

বুধবাৰৰ পৰা দেশখনত হিন্দুবিৰোধী এই সংঘাতৰ সূত্ৰপাত ঘটিছে আৰু এতিয়ালৈ কমেও ছজন লোকৰ মৃত্যু হৈছে। এটা দুৰ্গা পূজা মণ্ডপত ইছলাম ধৰ্মৰ পবিত্ৰ গ্ৰন্থ কোৰাণক অৱমাননা কৰা বুলি উঠা অভিযোগৰ পাছতে দেশখনত সাম্প্ৰদায়িক সংঘাতে গা কৰি উঠিছিল। ভালেমান দু্ষ্কৃতিকাৰীয়ে বিভিন্ন পূজা মণ্ডপত আক্ৰমণ কৰি লণ্ড-ভণ্ড কৰিছিল দুৰ্গাৰ মূৰ্তি আৰু পূজা মণ্ডপ। এই সংঘাতৰ পৰিণতিত চাৰিজনকৈ লোকে প্ৰাণ হেৰুৱাবলগীয়া হয়। তাৰ পাছত বাংলাদেশৰ শ্বেখ হাছিনা চৰকাৰে এই সংঘৰ্ষত জড়িত লোকৰ বিৰুদ্ধে কঠোৰ ব্যৱস্থা গ্ৰহণ কৰাৰ কথা ঘোষণা কৰে যদিও শনিবাৰে পুনৰ হিন্দু মন্দিৰত আক্ৰমণ সংঘটিত কৰে দুষ্কৃতিকাৰীয়ে। নোৱাখালিত শুকুৰবাৰে এটা ইস্কন মন্দিৰত আক্ৰমণ চলাই এজন ভক্তক হত্যা কৰিছিল সংঘৰ্ষকাৰীয়ে। এই ঘটনাৰ প্ৰত্যক্ষদৰ্শীয়ে সংবাদ মাধ্যমত দিয়া ভাষ্য অনুসৰি ৫০০ লোকে আক্ৰমণ কৰিছিল ইস্কন মন্দিৰটোত। শুকুৰবাৰে দুৰ্গা পূজাৰ দেৱী বিসৰ্জনৰ সময়তো মন্দিৰত আক্ৰমণৰ বলি হৈছিল হিন্দু লোক। প্ৰায় ২০০ লোকৰ দলে দুৰ্গা পূজা স্থলীত আক্ৰমণ কৰিছিল শুকুৰবাৰেও। বেগমগঞ্জত এই আক্ৰমণ সংঘটিত হয়। আক্ৰমণকাৰীয়ে এজন লোকক প্ৰহাৰ কৰি আৰু ছুৰীকাঘাতেৰে হত্যা কৰে।


ইফালে, শনিবাৰেও এজন হিন্দু লোকৰ মৃতদেহ উদ্ধাৰ হৈছে মন্দিৰৰ কাষৰ এটা পুখুৰীৰ পাৰত। যোৱা দুদিনত হোৱা সংঘৰ্ষত কমেও দুজন লোকৰ মৃত্যু হোৱাৰ তথ্য আৰক্ষীয়ে নিশ্চিত কৰিছে আৰু আন ১৫০জন হিন্দু লোক আহত হোৱা বুলি জানিব পৰা গৈছে। বাংলাদেশৰ ১২খনৰো অধিক জিলাত এতিয়া হিন্দুবিৰোধী সংঘৰ্ষ বিয়পি পৰিছে আৰু পৰিস্থিতিৰ অধিক অৱনিত ঘটাৰ আশংকা কৰা হৈছে।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular