spot_img
26 C
Guwahati
Thursday, September 23, 2021
spot_img
Homeব্ৰেকিং নিউজপৰিস্থিতি জটিলতৰ ! বিজেপি সাংসদৰ ঘৰলৈ বোমা নিক্ষেপ

পৰিস্থিতি জটিলতৰ ! বিজেপি সাংসদৰ ঘৰলৈ বোমা নিক্ষেপ


কলকাতা : অধিক অৱনতি ঘটিছে পশ্চিমবংগৰ ৰাজনৈতিক ক্ষেত্ৰখনৰ। শাসক-বিৰোধীৰ আক্ৰমণ-প্ৰত্যাক্ৰমণে উত্তপ্ত কৰি ৰখা পশ্চিমবংগত এইবাৰ সংঘটিত হৈছে ভয়ংকৰ ঘটনা। নিকৃষ্টতাৰ সকলো সীমা চেৰাই এইবাৰ বিজেপি সাংসদৰ ঘৰত সংঘটিত হৈছে বোমা আক্ৰমণ।

বুধবাৰে পুৱা প্ৰায় ৬.৩০ বজাত ৰাজ্যখনৰ উত্তৰ ২৪ পৰগণা জিলাত ভাৰতীয় জনতা পাৰ্টীৰ সাংসদ অৰ্জুন সিঙৰ বাসগৃহত পেট্ৰ’ল বোমা নিক্ষেপ কৰে দুষ্কৃতিকাৰীয়ে। ঘটনাটোৰ সময়ত সাংসদজন দিল্লীত আছিল যদিও তেওঁৰ পৰিয়ালৰ সদস্যসকল জগতদলত অৱস্থিত ঘৰত আছিল। তেওঁৰ ঘৰলৈ লক্ষ্য কৰি তিনিটাকৈ বোমা নিক্ষেপ কৰা হয় বুলি জানিব পৰা গৈছে। সাংসদগৰাকীয়ে সংবাদ মাধ্যমৰ আগত এই আক্ৰমণৰ অভিযোগ উত্থাপন কৰে আৰু একাধিক লোক আহত হোৱা বুলিও দাবী কৰিছে।

ইতিমধ্যে আৰক্ষী ঘটনাস্থলীত উপস্থিত হৈছে আৰু ঘটনাৰ তদন্ত আৰম্ভ কৰিছে। বংগ বিজেপিৰ মুৰব্বী দিলীপ ঘোষে আক্ৰমণকাৰী বংগৰ শাসনাধিষ্ঠ তৃণমূল কংগ্ৰেছৰ সমৰ্থক বুলি সন্দেহ কৰিছে। সমগ্ৰ ঘটনাক লৈ ৰাজ্যপাল জগদীপ ধনখৰে উদ্বেগ প্ৰকাশ কৰিছে। টুইটযোগে নিজৰ প্ৰতিক্ৰিয়া প্ৰকাশ কৰি তেওঁ কয় যে, সাংসদৰ বাসগৃহত আক্ৰমণ সংঘটিত হোৱাৰ ঘটনাই প্ৰমাণ কৰিছে যে বংগত অবাঞ্চিত হিংসাৰ অৱসান হোৱাৰ কোনো লক্ষণ নাই। উল্লেখ্য যে, ৰাজ্যখনত নিৰ্বাচনৰ পৰৱৰ্তী সময়ত হোৱা হিংসাই অতি শোচনীয় পৰিস্থিতিৰ সৃষ্টি কৰিছে। তৃণমূল-বিজেপি উভয়েই ব্যাপক সংঘাতত লিপ্ত হোৱাৰ ফলত পৰিস্থিতিৰ তীব্ৰ অৱনতি ঘটিছিল। চিবিআই-এ এই হিংসাৰ তদন্ত চলাই থকাৰ সময়তে পুনৰ বিক্ষিপ্তভাৱে সংঘটিত হৈ থকা এনে হিংসাত্মক ঘটনাই উদ্বেগ বৃদ্ধি কৰিছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
mist
26 ° C
26 °
26 °
89 %
0kmh
75 %
Thu
32 °
Fri
32 °
Sat
33 °
Sun
33 °
Mon
29 °

Watch latest Movies & TV Series on Prag Play

Most Popular