spot_img
24.9 C
Guwahati
Monday, September 20, 2021
spot_img
Homeব্ৰেকিং নিউজশিশুৰ গাল স্পৰ্শ কৰাটো অপৰাধ নহয়, বোম্বে উচ্চ ন্যায়ালয়ৰ ৰায়

শিশুৰ গাল স্পৰ্শ কৰাটো অপৰাধ নহয়, বোম্বে উচ্চ ন্যায়ালয়ৰ ৰায়

মুম্বাই : যৌন অভিপ্ৰায় অবিহনে শিশুৰ গাল স্পৰ্শ কৰিলে যৌন নিৰ্যাতনৰ অপৰাধ হিচাপে এতিয়াৰ পৰা বিবেচনা কৰা নহ’ব। বোম্বে উচ্চ ন্যায়ালয়ে এগৰাকী ৮ বছৰীয়া কিশোৰীক যৌন নিৰ্যাতনৰ অভিযোগত অভিযুক্ত এজন ৪৬ বছৰীয়া লোকক জামিন প্ৰদানৰ সময়ত এই মন্তব্য কৰে। শিশু সুৰক্ষা আইনৰ ধাৰা ৭-ৰ অধীনত এই নীতি নিৰ্ধাৰণ কৰা হৈছে বুলি উচ্চ ন্যায়ালয়ে প্ৰকাশ কৰে। উল্লেখ্য যে, ২৭ আগষ্টত ন্যায়াধীশ সন্দীপ সিন্ধে বিচাৰপীঠে বিগত বৰ্ষৰ জুলাই মাহত থানে জিলাৰ ৰাবোদী আৰক্ষীয়ে গ্ৰেপ্তাৰ কৰা মহম্মদ আহমেদ উল্লাক জামিন প্ৰদান কৰিছিল। ৰেকৰ্ডত থকা সামগ্ৰীৰ প্ৰাথমিক মূল্যাংকনে যৌন অভিপ্ৰায়ৰ কোনো প্ৰামাণিক স্বাক্ষৰ বহন নকৰা বুলি ন্যায়াধীশ সিন্ধেই স্পষ্টকৈ মত প্ৰকাশ কৰে।


আৱেদনকাৰীৰ মতে, উল্লাই ছোৱালীজনীক তেওঁৰ মাংসৰ দোকানৰ ভিতৰলৈ মাতিছিল আৰু তাইৰ গাল স্পৰ্শ কৰিছিল। এগৰাকী স্থানীয় মহিলাই অভিযুক্তজনক কিশোৰীগৰাকীক তেওঁৰ দোকানলৈ লৈ যোৱা দেখিছিল। মহিলাগৰাকীয়ে থানে আৰক্ষী চকীত এখন এজাহাৰ দাখিল কৰে। ভাৰতীয় দণ্ডবিধি আৰু যৌন অপৰাধৰ পৰা শিশুৰ সুৰক্ষা আইনৰ বিভিন্ন ধাৰাৰ অধীনত গোচৰ ৰুজু কৰা হৈছিল উল্লাৰ বিৰুদ্ধে। এজাহাৰৰ ভিত্তিত গ্ৰেপ্তাৰ হোৱা অভিযুক্তজনে প্ৰায় এটা বছৰে নৱী মুম্বাইৰ তালোজা কাৰাগাৰত বন্দী হৈ আছিল। অৱশ্যে উল্লাই তেওঁৰ জামিন আবেদনত তেওঁৰ বিৰুদ্ধে থকা অভিযোগ অস্বীকাৰ কৰে আৰু আজি বোম্বে উচ্চ ন্যায়ালয়ৰ বিচাৰপীঠে তেওঁক জামিন প্ৰদান কৰে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
clear sky
24.9 ° C
24.9 °
24.9 °
92 %
1.7kmh
1 %
Mon
25 °
Tue
30 °
Wed
27 °
Thu
30 °
Fri
32 °

Watch latest Movies & TV Series on Prag Play

Most Popular