spot_img
17 C
Guwahati
17 C
Guwahati
শনিবাৰ, ডিচেম্বৰ 4, 2021
Homeৰাষ্ট্ৰীয়এজন মুছলিম ভক্তক লৈ বিতৰ্ক! মন্দিৰৰ পুৰোহিতে ক'লে 'তেওঁ মহাকালৰ পৰম ভক্ত'

এজন মুছলিম ভক্তক লৈ বিতৰ্ক! মন্দিৰৰ পুৰোহিতে ক’লে ‘তেওঁ মহাকালৰ পৰম ভক্ত’

ডিজিটেল ডেস্কঃ মধ্য প্ৰদেশৰ উজ্জয়িনী চহৰৰ বিখ্যাত মহাকাল মন্দিৰলৈ অহা এজন ভক্তক লৈ তীব্ৰ বিতৰ্কৰ সৃষ্টি হৈছে। সেই ভক্ত গৰাকীৰ ফটো ছ’চিয়েল মিডিয়াত ভাইৰেল হৈ পৰাৰ পিছতে প্ৰতিক্ৰিয়াৰ সৃষ্টি হয়। পাছত মন্দিৰ সমিতিয়ে বিষয়টো পৰিষ্কাৰ কৰি দিয়াতহে বিতৰ্কৰ শাম কাটে। দৰাচলতে ভক্তজন আছিল এজন মুছলমান যুৱক, যি ধৰ্মীয় সাজপাৰ আৰু টুপী পিন্ধি মহাকাল মন্দিৰলৈ আহিছিল। কোনোবাই মনে মনে তেওঁৰ এখন ফটো তুলিছিল আৰু ছ’চিয়েল মিডিয়াত পোষ্ট কৰিছিল। লগালগ ফটোখন ভাইৰেল হৈ পৰে আৰু বিতৰ্কৰ সৃষ্টি হয়

জুনেইদ ইদ্ৰিছ শ্বেখ মহাকালৰ এজন পুৰণি ভক্ত

মহাকাল মন্দিৰৰ পুৰোহিত বালা গুৰুৱে কয় যে এই ভক্তজনৰ নাম জুনেইদ ইদ্ৰিছ শ্বেখ। জুনেইদ মহাকালৰ এজন পুৰণি আৰু পৰম ভক্ত। তেওঁ মহাৰাষ্ট্ৰৰ গণ্ডিয়া জিলাৰ বাসিন্দা। জুনেইদ মহাৰাষ্ট্ৰৰ পৰা মধ্যপ্ৰদেশলৈ আহে কেৱলমাত্ৰ মহাকাল মন্দিৰ দৰ্শন কৰিবলৈ। প্ৰায় ৫ বছৰ ধৰি মহাকাল মন্দিৰ দৰ্শন কৰি আছে জুনেইদ ইদ্ৰিছ শ্বেখে। জুনেইদৰ হিন্দু বন্ধু স্বামী জয়ছোৱাল আৰু শ্যাম কুমাৰৰ সৈতে মহাকাল মন্দিৰলৈ আহি তেওঁ প্ৰাৰ্থনা কৰে।

আৰু পঢ়কঃ আজি ধনতেৰাচ;ৰাশি অনুযায়ী কি কিনিলে ভাগ্য উজলিব জানো আহক

মহাকাল মন্দিৰ

লগতে মন্দিৰৰ পুৰোহিতগৰাকীয়ে কয় যে ভগৱান সকলোৰে বাবে সমান। জুনেইদে মন্দিৰৰ সকলো নিয়ম অনুসৰণ কৰে আৰু দানো কৰে। সেইদিনাও জুনেইদ ইদ্ৰিছ শ্বেখে তেওঁৰ সঙ্গীসকলৰ সৈতে দৰ্শনৰ বাবে মন্দিৰলৈ আহিছিল। কেতিয়াবা ছ’চিয়েল মিডিয়াত দুষ্ট মনৰ মানুহে ফটো দি আৰু অসংযত মন্তব্য কৰি মানুহৰ মাজত থকা সামাজিক সম্প্ৰীতি বিঘ্নিত কৰিবলৈ চেষ্টা কৰে বুলিও কয় পুৰোহিত বালা গুৰুৱে। উল্লেখ্য যে মহাকাল মন্দিৰৰ পুৰোহিতে এনেদৰে বক্তব্য প্ৰদান কৰাৰ পাছতেই বিতৰ্কৰ অন্ত পৰে।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular