spot_img
26 C
Guwahati
Thursday, September 16, 2021
spot_img
Homeমনোৰঞ্জনমছজিদত নৃত্যৰ ভিডিঅ' শ্বুটিং! অভিনেত্ৰীক গ্ৰেপ্তাৰ নিৰ্দেশ আদালতৰ

মছজিদত নৃত্যৰ ভিডিঅ’ শ্বুটিং! অভিনেত্ৰীক গ্ৰেপ্তাৰ নিৰ্দেশ আদালতৰ

মুম্বাইঃ বিতৰ্কত সাঙোৰ খাই পৰিছে ‘হিন্দী মিডিয়াম’ খ্যাত অভিনেত্ৰীগৰাকী। ২০১৭চনত মুক্তি পোৱা ছবিখনত ইৰফান খানৰ সৈতে অভিনয়ত দেখা পোৱা গৈছিল অভিনেত্ৰী ছাবা কামাৰক। তেওঁৰ সাৱলীল অভিনয়ে ভাৰতীয় চলচ্চিত্ৰ প্ৰেমীৰ অন্তৰ ইতিমধ্যে জয় কৰিবলৈ সক্ষম হৈছে। সম্প্ৰতি একেগৰাকী অভিনেত্ৰীয়েই ঐতিহাসিক মছজিদৰ ভিতৰত নৃত্যৰ ভিডিঅ’ শ্বুটিং কৰাৰ বাবে আইনী মেৰপেচত সোমাই পৰিছে। শেহতীয়াকৈ পাক আদালতে পাকিস্তানৰ জনপ্ৰিয় অভিনেত্ৰী গৰাকীৰ বিৰুদ্ধে গ্ৰেপ্তাৰী পৰোৱানা জাৰি কৰিছে।

লাহোৰৰ এটা পৰম্পৰাগত মছজিদৰ ভিতৰত এটা নৃত্যৰ ভিডিঅ’ৰ বাবে দৃশ্যগ্ৰহণ কৰা বুলি অভিযোগ উত্থাপিত হৈছে অভিনেত্ৰীগৰাকীৰ বিৰুদ্ধে। উল্লেখ্য যে, মছজিদৰ ভিতৰত গায়ক বিলাল ছাইদেও উপস্থিত আছিল। এই পৰিপ্ৰেক্ষিতত চাবা আৰু বিলালৰ বিৰুদ্ধে ইছলামৰ ধৰ্মৰ বিধি উলংঘা কৰাৰ অপৰাধত গোচৰ ৰুজু কৰা হৈছিল। কিন্তু জনপ্ৰিয় অভিনেত্ৰী বা তেওঁৰ দলটোৱে আদালতৰ পৰা বাৰে বাৰে পঠিওৱা জাননীৰ কোনো সঁহাৰি দিয়া নাছিল বুলিও অভিযোগ আদালতৰ।

গোচৰটোৰ শুনানিত প্ৰক্ৰিয়া একাধিক বাৰ স্থগিত ৰাখিবলগীয়া হোৱা বাবে লাহোৰ দণ্ডাধীশৰ আদালতো শেহতীয়াকৈ ক্ষুব্ধ হৈ পৰিছে। ছাবা কামাৰক গ্ৰেপ্তাৰৰো নিৰ্দেশ দিছে আদালতে। জানিবলৈ পোৱা মতে, আগন্তুক ৬ অক্টোবৰ পৰ্যন্ত শুনানি প্ৰক্ৰিয়া স্থগিত ৰাখিছে আদালতে। উল্লেখ্য যে, ছাবা কামাৰ আৰু গীতিকাৰ বিলাল ছাইদৰ বিৰুদ্ধে পাক-দণ্ডবিধি ২৯৫ ধাৰাত দুয়োকে অভিযুক্ত কৰিছিল লাহোৰ আৰক্ষীয়ে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
overcast clouds
26 ° C
26 °
26 °
89 %
0kmh
90 %
Thu
26 °
Fri
28 °
Sat
29 °
Sun
31 °
Mon
31 °

Watch latest Movies & TV Series on Prag Play

Most Popular