spot_img
26 C
Guwahati
Monday, September 27, 2021
Homeৰাজনৈতিকমোডীৰে সংঘাত? : পদত্যাগ কৰিলে গুজৰাটৰ মুখ্যমন্ত্ৰীয়ে

মোডীৰে সংঘাত? : পদত্যাগ কৰিলে গুজৰাটৰ মুখ্যমন্ত্ৰীয়ে

ডিজিটেল ডেস্ক: গুজৰাট বিধানসভা নিৰ্বাচনলৈ মাজত মাথোঁ এটা বছৰ। এনে সময়তে মুখ্যমন্ত্ৰী পদৰ পৰা শনিবাৰে পদত্যাগ কৰিলে ৰাজ্যখনৰ মুখ্যমন্ত্ৰী বিজয় ৰূপানীয়ে। কিন্তু এই পদত্যাগৰ কাৰণ কি? প্ৰধানমন্ত্ৰী মোডীৰে আৰম্ভ হৈছে নেকি গুজৰাট বিজেপিৰ সংঘাত? কংগ্ৰেছৰ দৰেই বিজেপিতো ভাঙোন ধৰিবলৈ আৰম্ভ কৰিছে নেকি? এনে বহু প্ৰশ্নৰেই অৱতাৰণা হৈছে এই মুহুৰ্তত।

ৰূপানীৰ পদত্যাগক ৰাজনৈতিক লাভালাভৰ স্বাৰ্থত বিভিন্ন ধৰণেৰে বাখ্যা কৰিবলৈ আৰম্ভ কৰিছে বিৰোধী দলসমূহে। পিছে এইক্ষেত্ৰত স্বয়ং মুখ্যমন্ত্ৰী গৰাকীয়ে কয়, “ প্ৰধানমন্ত্ৰী নৰেন্দ্ৰ মোডীৰ তত্বাৱধানত এয়া আছিল গুজৰাটৰ উন্নয়নৰ এক পাঁচ বছৰীয়া যাত্ৰা।এতিয়া, নতুন শক্তি আৰু উদ্যমেৰে ৰাজ্যখনৰ উন্নতি সাধন কৰাৰ হকে মই মুখ্যমন্ত্ৰীত্বৰ পদ ত্যাগ কৰাৰ সিদ্ধান্ত গ্ৰহণ কৰিছো”। ৰূপানীয়ে লগতে কয়, “ এয়া সৰ্বজনবিদিত যে বিজেপি দলত প্ৰয়োজন অনুসৰি সময়ে সময়ে সালসলনি ঘটাই থকা হয়।

এয়া আমাৰ দলৰ বিশেষত্ব যে ইয়াত প্ৰতিগৰাকী সদস্যই নিজৰ সৰ্বস্ব উজাৰি দিয়ে। ময়ো দলৰ এগৰাকী সদস্য হিচাপে একেই উদ্যমেৰে কাম কৰি যাম”।
অৱশ্যেই বিজয় ৰূপানীৰ পিছত গুজৰাটৰ মুখ্যমন্ত্ৰী কোন হ’ব সেয়া নিশ্চিত হোৱা নাই। এইক্ষেত্ৰত মনসুখ মান্দাৱিয়া আৰু নিটিন পেটেলৰ নাম বিশেষভাৱে চৰ্চিত হৈছে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
thunderstorm
26 ° C
26 °
26 °
89 %
0kmh
75 %
Mon
26 °
Tue
31 °
Wed
29 °
Thu
29 °
Fri
31 °

Watch latest Movies & TV Series on Prag Play

Most Popular