Google search engine
25.6 C
Guwahati
Friday, July 30, 2021
Google search engine
Homeব্ৰেকিং নিউজ‘মোক ভোট দিয়ক, পাব হেলিকপ্টাৰ, যাব পাৰিব চন্দ্ৰ ভ্ৰমণলৈ!’

‘মোক ভোট দিয়ক, পাব হেলিকপ্টাৰ, যাব পাৰিব চন্দ্ৰ ভ্ৰমণলৈ!’

চেন্নাই : নিৰ্বাচনৰ বতৰ। প্ৰাৰ্থীৰ মুখত বৈছে প্ৰতিশ্ৰুতিৰ বন্যা। ৰাইজক সকলোৱে দেখুৱাইছে উজ্জ্বল ভৱিষ্যতৰ সপোন। দিছে ধন-ধানেৰে ওপচাই দিয়াৰ প্ৰতিশ্ৰুতি। কিন্তু এই সকলো প্ৰতিশ্ৰুতিৰ সীমা অতিক্ৰম কৰিলে এগৰাকী প্ৰাৰ্থীয়ে। তেওঁ জিকিলে জনতাক কি কি দিব সেই কথা কৈ তেওঁ এতিয়া চৰ্চাৰ কেন্দ্ৰ হৈ পৰিছে।

আৰু পঢ়িব পাৰিব : ‘লণ্ডন ছিম্ফনী অৰ্কেষ্ট্ৰা’ত জয় বৰুৱাৰ সংগীত, ‘কাঁ’ত স্বীকৃতি

তেওঁৰ নিৰ্বাচনী প্ৰতিশ্ৰুতিসমূহৰ ভিতৰত আছে এখনকৈ মিনি হেলিকপ্টাৰ, বছৰি প্ৰতিটো পৰিয়াললৈ এক কোটিকৈ টকা, বিয়াৰ সোণৰ আ-অলংকাৰ আৰু এটা তিনিমহলীয়া ঘৰ। চন্দ্ৰ ভ্ৰমণলৈ নিয়াৰো প্ৰতিশ্ৰুতি দিছে থুলাম ছাৰাভানানে। দক্ষিণ মাদুৰাই সমষ্টিৰ পৰা প্ৰাৰ্থীগৰাকীয়ে প্ৰতিদ্বন্দ্বিতা কৰিছে আৰু ৬ এপ্ৰিলত তাত নিৰ্বাচন অনু্ষ্ঠিত হ’ব। ১৩জনকৈ প্ৰাৰ্থী থকা সমষ্টিটোত এনে উদ্ভট প্ৰতিশ্ৰুতিৰে চৰ্চাৰ কেন্দ্ৰ হৈ পৰিছে নিৰ্দলীয় প্ৰাৰ্থীজন।

আৰু পঢ়িব পাৰিব : মছজিদ পুনৰ নিৰ্মাণক লৈ ভাৰত-বাংলাদেশ সীমান্তত উত্তেজনা

অৱশ্যে প্ৰাৰ্থীজনে বিভিন্ন দলৰ প্ৰাৰ্থীসকলৰ ভুৱা প্ৰতিশ্ৰুতিৰ বিৰুদ্ধে সজাগতা সৃষ্টিৰ প্ৰয়াস কৰা বুলি সংবাদ মাধ্যমৰ আগত প্ৰকাশ কৰে। যাতে তেওঁলোকে সৎ আৰু নিকা প্ৰাৰ্থীক বাছনি কৰিব পাৰে। তেওঁৰ প্ৰতীক হৈছে ডাষ্টবিন আৰু ইয়াৰ জৰিয়তে তেওঁ আন এটা বাৰ্তা প্ৰেৰণ কৰিব বিচৰা বুলিও প্ৰকাশ কৰে। ভুৱা প্ৰতিশ্ৰুতিত ভোল গৈ ভোট দিয়াটো ডাষ্টবিনত পেলাই দিয়াৰ দৰে কথা বুলি তেওঁ বাৰ্তা দিয়ে। অতি দুখীয়া পৰিয়ালৰ সন্তান আৰু পেছাত সাংবাদিক প্ৰাৰ্থীজনে মনোনয়ন-পত্ৰ দিয়াৰ বাবেও ধন ধাৰলৈ লৈছিল বুলিও তেওঁ প্ৰকাশ কৰে।

RELATED ARTICLES

Today's Weather

Guwahati
overcast clouds
25.6 ° C
25.6 °
25.6 °
97 %
1.2kmh
100 %
Sat
27 °
Sun
27 °
Mon
29 °
Tue
32 °
Wed
28 °

Watch latest Movies & TV Series on Prag Play

Most Popular