spot_img
27 C
Guwahati
Friday, September 24, 2021
spot_img
Homeবিশ্বকি আছে আফগানিস্তানৰ ভৱিষ্যতত? ৰাষ্ট্ৰসংঘই দিছে অশনি সংকেত

কি আছে আফগানিস্তানৰ ভৱিষ্যতত? ৰাষ্ট্ৰসংঘই দিছে অশনি সংকেত

ৰাষ্ট্ৰসংঘ : আফগান ভূমিত এতিয়া তালিবানৰ অবাধ বিচৰণ। তালিবানী নীতি অনুসৰি এতিয়া নিৰ্ধাৰণ কৰা হৈছে দেশখনৰ শাসন ব্যৱস্থা। নানা বাধা-নিষেধ, নিষ্ঠুৰতা আৰু বৰ্বৰতাৰ মাজেৰে চলিছে তালিবানৰ শাসন। কিন্তু এনে পশ্চাৎগামী মানসিকতাই কোনদিশে লৈ যাব আফগান জনগণক? কি হ’ব আফগানিস্তানৰ ভৱিষ্যৎ? এই সন্দৰ্ভত ৰাষ্ট্ৰসংঘই ব্যক্ত কৰিছে এক ভয়ংকৰ আশংকা। তালিবানে আফগানভূমিৰ শাসন দখল কৰাৰ পাছত দেশখনত সৃষ্টি হৈছে অন্তহীন অস্থিৰতা আৰু অনিশ্চয়তাৰ। দেশখনৰ অৰ্থনীতি আৰু সামাজিক ব্যৱস্থা সম্পূৰ্ণৰূপে ভাঙি পৰাৰ আশংকা ব্যক্ত কৰিছে ৰাষ্ট্ৰসংঘই।

তদুপৰি তাৎক্ষণিকভাৱে অৰ্থৰ নিবেশ যদি কৰা নহয়, তেন্তে লক্ষ লক্ষ আফগান লোক ক্ষুধা আৰু দৰিদ্ৰতাৰ কৱলত পৰিব। এই সতৰ্কবাণী দিছে ৰাষ্ট্ৰসংঘৰ বিশেষ দূত দেৱৰাহ লেয়ন্সে। কালি এই আশংকা ব্যক্ত কৰি ৰাষ্ট্ৰসংঘৰ প্ৰতিনিধিগৰাকীয়ে বিশ্বক এই পৰিস্থিতি প্ৰতিহত কৰাৰ বাবে একগোট হ’বলৈ আহ্বান জনায়। তেওঁ লগতে আশংকা প্ৰকাশ কৰে যে, চুবুৰীয়া দেশলৈও তালিবানৰ ইছলামিক ষ্টেটৰ সম্প্ৰসাৰণ ঘটিব পাৰে আৰু ইয়াৰ সৈতে বিশ্বই মোকাবিলা কৰিব লাগিব।

লেয়ন্সে মত পোষণ কৰে যে, ক্ৰমাৎ অধিক অৱনতি ঘটা মানৱীয় সংকটৰ সৈতে এতিয়াই মোকাবিলা কৰাৰ সময় আহিছে। তেওঁ লগতে অধিক অৰ্থনৈতিক সংকট অৱশ্যম্ভাৱী বুলিও প্ৰকাশ কৰে। দেশখনলৈ বিদেশী তথা আন্তঃৰাষ্ট্ৰীয় পুঁজিৰ বিনিয়োগ বন্ধ হৈ যোৱাৰ লগে লগে ‘এটা গুৰুতৰ অৰ্থসংকটৰ সৃষ্টি হ’ব আৰু ই লক্ষ লক্ষ লোকক দৰিদ্ৰতা আৰু ক্ষুধাৰ গ্ৰাসত পেলাব। ফলত এক ব্যাপক শৰনাৰ্থী সমস্যাৰ সৃষ্টি হ’ব আৰু দেশখনক বহু পিছলৈ লৈ যাব।’ তেওঁ লগতে কয়, অৰ্থনীতিক অহা কেইমাহমানলৈ উশাহ ল’বৱ পৰা এটা পৰিৱেশ দিব লাগিব। যাতে তালিবানে এটা সহনশীল পৰিৱেশ সৃষ্টিৰ সুযোগ পায় আৰু এইবাৰ এটা নুতুন ৰূপত আত্মপ্ৰকাশ কৰিব পাৰে। মানৱ অধিকাৰ, লিংগ সমতা আৰু সন্ত্ৰাসবাদবিৰোধী পৃষ্ঠভূমিৰ পৰা এয়া অতি জৰুৰী। ৰাষ্ট্ৰসংঘৰ ১৫জনীয়া সদস্যবিশিষ্ট নিৰাপত্তা পৰিষদত এই মন্তব্য কৰে লেয়ন্সে।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
broken clouds
27 ° C
27 °
27 °
89 %
0kmh
75 %
Fri
33 °
Sat
33 °
Sun
33 °
Mon
32 °
Tue
33 °

Watch latest Movies & TV Series on Prag Play

Most Popular