spot_img
20 C
Guwahati
20 C
Guwahati
শনিবাৰ, ডিচেম্বৰ 4, 2021
Homeমনোৰঞ্জনমিঠা মিঠা কথাৰে কোনে মন গলালে শিল্পাৰ? কাৰ সংগ বিচাৰিছে শিল্পাই ?

মিঠা মিঠা কথাৰে কোনে মন গলালে শিল্পাৰ? কাৰ সংগ বিচাৰিছে শিল্পাই ?

নতুন দিল্লীঃ কৈ নো কৈ ওৰকে নপৰা হৈছে শিল্পাৰ জীৱনৰ কথা। স্মৰ্তব্য যে, পৰ্ণগ্ৰাফীৰ অভিযোগত গ্ৰেপ্তাৰ হৈছিল ৰাজকুন্দ্ৰা। অভিযুক্ত ৰাজকুন্দ্ৰাই এই অপৰাধৰ বাবে দুমাহৰো অধিক সময় কাৰাবাস খাটিবলগীয়া হৈছিল। স্বামীৰ গ্ৰেপ্তাৰৰ ঘটনাই জোকাৰি গৈছিল শিল্পাক। স্বামীৰ কুকৰ্মৰ বাবে গ্লানিৰ ছিটিকনি পৰিছিল শিল্পাৰ গাটো। কিছুদিনৰ বাবে বলীউড অভিনেত্ৰী শিল্পা ছেট্টীয়ে সকলো কাৰ্যকলাপৰ পৰাও বিৰত আছিল। নিসংগ জীৱন এটাকে আকোঁৱালি লৈছিল শিল্পাই। শিল্পাৰ নিসংগতাই সৰ্বত্ৰে লাভ কৰিছিল চৰ্চা। ৰাজকুন্দ্ৰাৰ সৈতে শিল্পাৰ বিবাহ বিচ্ছেদ হ’ব বুলিও উঠিছিল গুঞ্জন। টুইটাৰ আৰু ইনষ্টাগ্ৰামত লিখা কেইবাটাও পোষ্টে তেনে এক ঘটনাৰে ইংগিত দিয়া বুলি ধাৰণা কৰি লৈছিল সকলোৱে।

শিল্পাই নিজৰ সন্তানৰ পৰা পৃথক হোৱাৰ কথাও কৈছিল। কিন্তু এতিয়া আৰু শিল্পাই তেনে কাৰ্য সম্ভৱতঃ নকৰে। শিল্পাই আৰু অকলে থাকিব বিচৰা নাই, বিচাৰিছে ৰাজৰ সংগ সুখ। শেহতীয়াকৈ শিল্পাই তেনে এক সিদ্ধান্ত লোৱা বুলিয়েই সংবাদ মাধ্যমত প্ৰকাশ পাইছে। উল্লেখ্য যে, কিছুদিন পূৰ্বে ৰাজে লাভ কৰিছে জামিন। জামিন পোৱাৰ পাছত ৰাজকুন্দ্ৰাই নিজৰ ঘৰলৈ উভতি আহিছিল। ৰাজক দেখা পাইয়ে উগুল-থুগুল মন শিল্পাৰ।পূৰ্বৰ সকলো কথাৰ ইতিৰেখা টানি ৰাজৰ সৈতে নতুনকৈ জীৱনটো আৰম্ভ কৰিবলৈ বিচাৰিছে শিল্পাই। শিল্পা-ৰাজৰ বিবাদ-বিচ্ছেদৰ সকলোবোৰ কথা মানুহৰ মনে সজা আছিল বুলি কয় শিল্পাই।ৰাজক এৰি যোৱাটো শিল্পাৰ বাবে এতিয়া সপোনৰো অগোচৰ! অৱশ্যে, ৰাজৰ পৰ্ণগ্ৰাফীৰ অভিযোগ গ্ৰহণ কৰে নে নাই শিল্পাই সেই বিষয়ে অৱগত নহ’লেও শিল্পাই যে তেওঁৰ স্বামীক ক্ষমা কৰি দিছে সেয়া প্ৰায় স্পষ্ট হৈ পৰিছে।

RELATED ARTICLES

LEAVE A REPLY

Please enter your comment!
Please enter your name here

Watch latest Movies & TV Series on Prag Play

Most Popular