spot_img
26 C
Guwahati
Thursday, September 16, 2021
spot_img
Homeৰাষ্ট্ৰীয়যোগী আদিত্যনাথ ইন একশ্যন: মথুৰা-বৃন্দাবনত নিষিদ্ধ হ’ল মদ-মাংস

যোগী আদিত্যনাথ ইন একশ্যন: মথুৰা-বৃন্দাবনত নিষিদ্ধ হ’ল মদ-মাংস

ডিজিটেল ডেস্কঃ বিভিন্ন সময়ত যোগী আদিত্যনাথে গ্ৰহণ কৰা কিছুমান সিদ্ধান্তই দেশজোৰা চাঞ্চল্যৰ সৃষ্টি কৰি আহিছে। শেহতীয়াকৈ উত্তৰ প্ৰদেশৰ মুখ্যমন্ত্ৰীগৰাকীয়ে মথুৰা-বৃন্দাবন পৌৰ নিগমৰ অন্তৰ্গত ২২ টি ৱাৰ্ডক “পবিত্ৰ তীৰ্থস্থান” হিচাপে ঘোষণা কৰিছিল।নিশ্চয়কৈ এয়া আদৰণীয়। কিন্তু কালি সেই ঘোষণাৰ অঁত ধৰি জাৰি কৰা এক নিৰ্দেশনামাই হে সৃষ্টি কৰিছে চাঞ্চল্যৰ লগতে সমালোচনৰ সন্মুখীন কৰাইছে মুখ্যমন্ত্ৰীগৰাকীক।কি এই নিৰ্দেশনামা?কি আছে ইয়াত?


আচলতে এই নিৰ্দেশনামাৰ জৰিয়তে এইবাৰ এই ৱাৰ্ডকেইটাত সুৰা আৰু মাংসৰ বিক্ৰীও নিষিদ্ধ কৰা হৈছে। যোগীয়ে ৩০ আগষ্টত অৰ্থাৎ জন্মাষ্টমীৰ দিনাখন মথুৰা-বৃন্দাবন ভ্ৰমণ কৰি কৈছিল যে মথুৰা-বৃন্দাবনৰ পবিত্ৰতা বজাই ৰাখিবলৈ হ’লে ইয়াত মদ আৰু মাংসৰ বিক্ৰী বন্ধ কৰিব লাগিব। তেওঁ কৈছিল যে সাধাৰণ মানুহেও এয়াই বিচাৰে।সিদিনাখনেই মুখ্যমন্ত্ৰীগৰাকীয়ে মদ আৰু মাংসৰ ব্যৱসায়ৰ সৈতে জড়িত অঞ্চলটোৰ লোকসকলৰ বাবে বিকল্প সংস্থাপনৰ ব্যৱস্থা কৰাৰ কথা কৈছিল। উত্তৰ প্ৰদেশৰ অতিৰিক্ত মুখ্য সচিব (গৃহ) অৱনীশ কুমাৰ অৱস্থীয়ে কৈছিল যে মথুৰা-বৃন্দাবনৰ প্ৰায় ১০ বৰ্গ কিলোমিটাৰ বাসাৰ্ধৰ অঞ্চলক পবিত্ৰ তীৰ্থকেন্দ্ৰ হিচাপে ঘোষণা কৰা হৈছে।

সুৰা বিক্ৰীৰ কেইবাটাও প্ৰতিষ্ঠানৰ অনুজ্ঞা পত্ৰ বাতিল কৰা হ’ব পাৰে বুলিও তেওঁ কৈছিল। ইয়াৰ পিছতেই সমালোচনাৰ জোৱাৰ উঠিছিল সৰ্বত্ৰ।কিন্তু সমালোচনাক কেৰেপ নকৰি শুকুৰবাৰে জাৰি কৰা এক বিজ্ঞপ্তিযোগে নিষিদ্ধ কৰা হৈছে মথুৰা-বৃন্দাবনৰ ২২ টা ৱাৰ্ডত মদ আৰু মাংসৰ বিক্ৰী। বিজ্ঞপ্তিটোত কোৱা হৈছে- -“ মথুৰা আৰু বৃন্দাবন হ’ল শ্ৰীকৃষ্ণৰ জন্মস্থান। প্ৰতিবছৰে সেইস্থানলৈ অগনিত তীৰ্থযাত্ৰী আহে। মথুৰা আৰু বৃন্দাবনৰ ঐতিহাসিক তথা পৰ্যটন শিল্পৰ যথেষ্ট গুৰুত্ব আছে।এই সকলোবোৰ কথা বিবেচনা কৰি মদ-মাংস বিক্ৰী নিষিদ্ধ কৰৰ সিদ্ধান্ত লোৱা হৈছে”।

RELATED ARTICLES

LEAVE A REPLY

Please enter your comment!
Please enter your name here

Today's Weather

Guwahati
thunderstorm with light rain
26 ° C
26 °
26 °
89 %
0kmh
90 %
Thu
28 °
Fri
28 °
Sat
29 °
Sun
32 °
Mon
31 °

Watch latest Movies & TV Series on Prag Play

Most Popular