ফৰ্বছ বিলিয়নাৰ তালিকা ২০২৩: জানক ভাৰতৰ ৫ গৰাকী ধনী মহিলাৰ বিষয়ে

ফৰ্বছৰ তথ্য অনুসৰি জিন্দাল গ্ৰুপৰ অধ্যক্ষ সাবিত্ৰী জিন্দাল ভাৰতৰ আটাইতকৈ ধনী মহিলা। দেশৰ ধনী লোকৰ তালিকাত ষষ্ঠ স্থানত আছে ৭৩ বছৰীয়া সাবিত্ৰী জিন্দাল। একে সময়তে বিশ্বৰ ধনী লোকৰ তালিকাত তেওঁৰ ৯৪ নম্বৰ স্থান। তেওঁৰ সম্পত্তি ১৭ বিলিয়ন ডলাৰ (১৩,৯১,৩১,৮২,৫০,০০০ টকা)।

ৰোহিকা চাইৰাছ মিষ্ট্ৰী প্ৰয়াত চাইৰাছ মিষ্ট্ৰীৰ পত্নী। ৰোহিকাই নিজেই কৰ্পৰেট আইকন হিচাপে কাম কৰি আহিছে আৰু কিছুমান ব্যক্তিগত আৰু ৰাজহুৱা সীমিত কোম্পানীত পৰিচালক হিচাপে কাম কৰি আহিছে। ৫৫ বছৰীয়া ৰোহিকা চাইৰাছ মিষ্ট্ৰীৰ সম্পত্তিৰ পৰিমাণ ৭ বিলিয়ন ডলাৰ। 

বিগ বুল নামেৰে পৰিচিত বিনিয়োগকাৰী প্ৰয়াত ৰাকেশ ঝুনঝুনৱালাৰ পত্নী ৰেখা ঝুনঝুনৱালা দেশৰ ধনী মহিলাসকলৰ ভিতৰত অন্যতম। ৫৯ বছৰীয়া ৰেখা ঝুনঝুনৱালাৰ সম্পত্তিৰ পৰিমাণ ৫.১ বিলিয়ন ডলাৰ। তাৎপৰ্যপূৰ্ণভাৱে ঝুনঝানৱালাৰ পৰ্টফলিঅ’ত টাইটান, ষ্টাৰ হেল্থ এণ্ড এলাইড ইনশ্বুৰেন্স আৰু মেট্ৰ’ ব্ৰেণ্ডছ অন্তৰ্ভুক্ত।

ভাৰতৰ ধনী মহিলাৰ তালিকাত নাম অহা হেভেলছ ইণ্ডিয়াৰ পৰিচালন সঞ্চালক অনিল গুপ্তাৰ মাতৃ বিনোদ ৰায় গুপ্তা। মুঠ সম্পত্তিৰ কথা ক’বলৈ গ’লে তেওঁ ৪ বিলিয়ন ডলাৰৰ মালিক। হেভেলছ ইণ্ডিয়াই ইলেক্ট্ৰনিক সম্পৰ্কীয় কামৰ বিভিন্ন সামগ্ৰী যেনে ফেন, ফ্ৰীজ, চুইচ আদি প্ৰস্তুত কৰে।

সৰোজ ৰাণী গুপ্তা মহালক্ষ্মী ইছ’বিল্ড প্ৰাইভেট লিমিটেডৰ সঞ্চালক। তেওঁ কৰ্পৰেট পৰিক্ৰমা মন্ত্ৰালয়ত পঞ্জীয়নভুক্ত। ৭২ বছৰীয়া সৰোজ ৰাণী গুপ্তাৰ মুঠ সম্পত্তি ১.২ বিলিয়ন ডলাৰ। এপিএল এপ’ল’ টিউবছৰ সহ-প্ৰতিষ্ঠাপক।