ক্ৰীড়া
ডিজিটেল ডেস্ক : ভাৰতৰ আগশাৰীৰ পুৰুষ ডাবলছৰ যুটি সাত্বিক ছাইৰাজ ৰাংকি ৰেড্ডী আৰু চিৰাগ ছেট্টিয়ে ছিংগাপুৰ অ'পেন ছুপাৰ ৭৫০ বেডমিন্টন প্রতিযোগিতাখনত
ডিজিটেল ডেস্কঃ মিছ ইউনিভাৰ্ছ খিতাপ অৰ্জন কৰি ভাৰতলৈ গৌৰৱ কঢ়িয়াই অনা চণ্ডীগড়ৰ হৰনাজ কৌৰ সান্ধু ভাৰতত আহি উপস্থিত হয়। যোৱা নিশা প্ৰায় ৯.৩০ বজাত ইজৰাইলৰ পৰা মুম্বাইৰ আন্তঃৰাষ্ট্ৰীয় বিমানবন্দৰত উপস্থিত হয় মিছ ইউনিভাৰ্ছ হৰনাজ। বিমানবন্দৰত তেওঁক ফুলৰ তোৰাৰে উস্ম আদৰণি জনোৱা হয়। বিমানবন্দৰত হৰনাজে বাৰে বাৰে হাত জোৰ কৰি জনতাক সম্ভাষণ জনাইছিল। হৰনাজৰ মুখত জিলিকি আছিল এটি উজ্জ্বল হাঁহি। এই আনন্দৰ মূহুৰ্তত হৰনাজে হাতত এখন ত্ৰিৰংগা লৈ ইণ্ডিয়া…ইণ্ডিয়া বুলি জয়ধ্বনি দিয়াৰ লগতে চক দে ফট্টে বুলি চিঞৰে।
ভাৰতৰ হৰনাজ সান্ধুৱে ১৩ ডিচেম্বৰত ইতিহাস ৰচনা কৰিছিল। তেওঁ ৮০ খন দেশৰ প্ৰতিযোগীৰ সৈতে প্ৰতিযোগিতা কৰাৰ পাছত মিছ ইউনিভাৰ্ছ-২০২১ৰ মুকুট লৈ ঘৰলৈ উভতি আহিছে। চণ্ডীগড়ৰ হৰনাজে ২১ বছৰৰ পাছত ভাৰতৰ বাবে এই গৌৰৱ কঢ়িয়াই আনে। হৰনাজে মিছ দক্ষিণ আফ্ৰিকা আৰু মিছ পাৰাগুৱেৰ সৈতে শীৰ্ষ ৩ ত স্থান লাভ কৰিছিল। বিমানবন্দৰৰ পৰা ওলাই অহাৰ সময়ত হৰনাজক এটা ধুনীয়া ৰঙা গাউনত বৰ আকৰ্ষণীয় লাগিছিল। পাতলকৈ কৰিছিল মেকআপ।
উল্লেখ্য যে হৰনাজক মিছ ইউনিভাৰ্ছৰ মুকুট পিন্ধোৱাৰ লগে লগে সমগ্ৰ বিশ্বৰ পৰা তেওঁলৈ শুভেচ্ছা আহিবলৈ ধৰে। প্ৰিয়ংকা চোপ্ৰা, লাৰা দত্ত, সুস্মিতা সেন আৰু আন বহুতে হৰনাজক এই বিজয়ৰ বাবে শুভেচ্ছা জনায়। মন কৰিবলগীয়া যে, সুস্মিতা সেন আৰু লাৰা দত্তৰ পাছত মিছ ইউনিভাৰ্ছৰ মুকুট পিন্ধা হৰনাজ হৈছে তৃতীয় ভাৰতীয়৷ মিছ ইউনিভাৰ্ছ প্ৰতিযোগিতাৰ ২০২১ চনৰ প্ৰথম ৰানাৰ আপ আছিল মিছ পাৰাগুৱে নাদিয়া ফেৰেৰা আনহাতে দ্বিতীয় ৰানাৰ আপ আছিল মিছ দক্ষিণ আফ্ৰিকা লালেলা মছৱানে৷
আৰু পঢ়কঃ ১৮ বছৰ হ’লেই নকৰিব বিয়াৰ চিন্তা; ছোৱালীৰ বিয়াৰ নূন্যতম বয়স বৃদ্ধিৰ প্ৰস্তুতি চৰকাৰৰ
Leave A Comment