মিৰ্জাপুৰলৈ আৰু নাহে ললিত! অভিনেতা ব্ৰহ্মা মিশ্ৰৰ ৰহস্যজনক মৃত্যু...

• Image Credit: Internet

• Dec 2, 2021 | Deleted

ডিজিটেল ডেস্কঃ জনপ্ৰিয় ৱেব ছিৰিজ মিৰ্জাপুৰত মুন্না ভাইৰ বন্ধু ললিতৰ চৰিত্ৰত অভিনয় কৰা ব্ৰহ্মা মিশ্ৰৰ মৃত্যু হৈছে। খবৰ অনুসৰি, ২৯ নৱেম্বৰত অভিনেতাজনে বুকুত প্ৰচণ্ড বিষ অনুভৱ কৰিছিল আৰু তেতিয়াই তেওঁ এজন চিকিৎসকৰ কাষ চাপিছিল। চিকিৎসকে তেওঁক এচিডিটিৰ ঔষধ দি ঘৰলৈ যাবলৈ দিছিল। কিন্তু আজি অভিনেতাজনক তেওঁৰ ভাড়াঘৰত মৃত অৱস্থাত পোৱা গৈছে।

ব্ৰহ্মা মিশ্ৰ মুম্বাইৰ এনলাক্স নগৰ চছাইটিত বাস কৰিছিল। ফ্লেটৰ চুবুৰীয়া লোকসকলে ব্ৰহ্মা মিশ্ৰৰ ৰূমৰ পৰা দুৰ্গন্ধ উলোৱা অভিযোগ দিয়ে আৰক্ষীক। তাৰ পিছত আৰক্ষীলোক ঘটনাস্থলীত উপস্থিত হৈ দেখে যে, অভিনেতাজনৰ ঘৰৰ দুৱাৰ ভিতৰৰ পৰা দুৱাৰ বন্ধ কৰি ৰখা হৈছিল। সেয়েহে, ডুপ্লিকেট ছাবি লৈ আৰক্ষী লোকে ঘৰটোত প্ৰবেশ কৰে। ফ্লেটটোত প্ৰৱেশ কৰাৰ পিছত, আৰক্ষীয়ে ব্ৰহ্মাৰ মৃতদেহ বাথৰূমত অৰ্ধ-পচা হৈ নগ্ন অৱস্থাত ইদ্ধাৰ কৰে৷ ব্ৰহ্ম মিশ্ৰৰ ভাতৃ সন্দীপৰ ভাষ্যৰ ওপৰত আৰক্ষীয়ে অভিনেতাজনৰ মৃত্যুৰ প্ৰতিবেদন পঞ্জীয়ন কৰিছে আৰু মুম্বাই আৰক্ষীয়ে তদন্ত প্ৰক্ৰিয়া অব্যহত ৰাখিছে৷। সন্দেহ কৰা হৈছে যে অভিনেতাজনৰ হৃদ আক্ৰমণৰ ফলতে হঠাৎ মৃত্যু হৈছে।