International
A Polish radio station, OFF Radio Krakow, has recently been accused of replacing real human journalists with AI presenters…
কলকাতা : বিশ্বৰ পুৰোধা ব্যক্তিসকলৰ কৰ্মৰাজিক সংগীত তথা চলচিত্ৰ নিৰ্মাণেৰে নৱ ৰূপ দি শ্ৰোতা-দৰ্শক তথা নৱপ্ৰজন্মৰ মাজলৈ নিয়াতো নতুন কথা নহয়।এইবাৰ কবিগুৰুৰ সংগীতক লৈ কাম কৰাৰ ইচ্ছা প্ৰকাশ কৰিছে এগৰাকী শিল্পীয়ে। এই শিল্পীগৰাকী আন কোনো নহয়, বলীউডৰ জনপ্ৰিয় কন্ঠশিল্পী সুনিধি চৌহান।
আৰু পঢ়িব পাৰিব : হিংসাজৰ্জৰ বংগ : ‘কনিষ্ঠ ভগ্নী’ মমতালৈ ৰাজ্যপালৰ কঠোৰ বাৰ্তা…
এটা সংবাদ মাধ্যম যোগে জনপ্ৰিয় কন্ঠশিল্পী সুনিধি চৌহানে প্ৰকাশ কৰে যে, ‘ৰবীন্দ্রনাথ ঠাকুৰৰ গীত গাওঁতে খুব সূক্ষ্মভাৱে আৰু সাৱধানেৰে অভ্যাস কৰোঁ।কলকাতাবাসী গীত সম্পর্কে খুব সচেতন-সৰু সৰু ভুলো তেওঁলোকৰ দৃষ্টিত ধৰা পৰে। যিখন ঠাইৰ শ্ৰোতা ইমান সমৃদ্ধ,তেনেস্থলত মোৰ মনত দুগুণ পৰিশ্রম কৰাৰ ইচ্ছা জন্মে।
ৰবীন্দ্রনাথ ঠাকুৰৰ গান মানুহৰ বাবে এটা আৱেগ।‘
সংবাদ মাধ্যমযোগে ভৱিষ্যতে ৰবীন্দ্রনাথ ঠাকুৰৰ গীত সমূহক লৈ কাম কৰাৰ ইচ্ছা প্ৰকাশ কৰিছে শিল্পীগৰাকীয়ে। তেওঁ সদৰি কৰে যে, ‘ৰবীন্দ্র সংগীত এটা সমুদ্ৰৰ দৰে। তেওঁৰ পূৰণি গীতসমূহ মোৰ বাবে সদায় নতুন। সুযোগ পালে ভৱিষ্যতে ৰবীন্দ্র সংগীতসমূহক লৈ কাম কৰিম।‘
আৰু পঢ়িব পাৰিব : কৰ’নাৰ হটস্পট : গুৱহাটীৰ বহু অঞ্চল হ’ব কণ্টেইনমেণ্ট জ’ন, চাওক সবিশেষ
এই গীতসমূহ ৰিমিক্সৰ প্ৰসংগতো শিল্পীগৰাকীয়ে কয়, ‘সকলোৱে নতুনত্ব বিচাৰে।এইটো ভাল কথা। কিন্তু সতৰ্কতাৰে ৰিমিক্স কৰাটো দৰকাৰ, ৰিমিক্স কৰিবলৈ যাওঁতে মূল সংগীতৰ যাতে ক্ষতি নহয় তাৰ প্ৰতি লক্ষ্য ৰাখিব লাগিব।’
Leave A Comment