National
She Urged India Home Minister Amit Shah To Grant Her To Remain In India…
নতুন দিল্লী : প্ৰেমত পৰিছে পৱনদ্বীপ ৰাজন। চলিত ইণ্ডিয়ান আইড’লৰ ছিজন-১২ত পৱনদ্বীপৰ গীতে মুগ্ধ কৰিছে বিচাৰকক। চুইছে অগণন অনুৰাগীৰো অন্তৰ। চলিত বৰ্ষত অংশগ্ৰহণ কৰা প্ৰতিযোগীসকলৰ মাজৰ এক জনিপ্ৰিয় যুটি হৈছে চৰ্চিত অৰুণিতা-পৱনদ্বীপৰ যুটি। দুয়োৰে গীতৰ মূৰ্ছনাই অসংখ্য লোকক আহ্লাদিত কৰাৰ লগে লগে আন এটি বিষয় চৰ্চাৰ কেন্দ্ৰবিন্দু হৈ পৰিছে। সেয়া হৈছে অৰুণিতা আৰু পৱনদ্বীপ ৰাজনৰ সম্পৰ্ক। সমগ্ৰ ছিজনটোতে দুয়োৰে প্ৰেম কাহিনীয়ে এতিয়া সুতীব্ৰ ৰূপ লৈ লৈছে। অনুষ্ঠানৰ পৰিচালক আদিত্য নাৰায়ণে বিভিন্ন সময়ত দুয়োকে কেন্দ্ৰ কৰি নানা-ধৰণে হাঁহি-ধেমালি কৰি আহিছে। কিন্তু অৰুণিতা আৰু পৱনে তেওঁলোকৰ প্ৰেম কাহিনী আনুষ্ঠানিকভাৱে প্ৰকাশ কৰা নাছিল। শ্ৰোতাৰ তীব্ৰ কৌতূহলৰ মাজতে সকলো জল্পনা-কল্পনাৰ অন্ত পেলাই পৱনদ্বীপৰ অকপট স্বীকাৰোক্তি ‘প্ৰেমত পৰিছোঁ।’
উল্লেখ্য যে, চলিত ইণ্ডিয়ান আইড’ল এটাৰ পাছত আন এটা বিতৰ্ক সাঙোৰ খাই পৰিছে। কেতিয়াবা যদি বিচাৰক, কেতিয়াবা আকৌ প্ৰতিযোগী, কোনো হাত-সাৰি যোৱা নাই। এই বিতৰ্কৰ সমান্তৰালকৈ অৰুণিতা আৰু পৱনদ্বীপৰ সম্পৰ্কক কেন্দ্ৰ কৰি চলিছে বু-বু, বা-বা। অৱশ্যে, পূৰ্বৰ প্ৰতিযোগীয়ে এইবোৰ টিআৰপিৰ খেল বুলি অভিহিত কৰিছে। একাংশৰ মতে ৰিয়েলিটী শ্ব’বোৰত ৰিয়েলিটীক বাদ দি সকলো সম্ভৱ। গতিকে এই চৰ্চাও দৰ্শকৰ মনোৰঞ্জনৰ বাবেহে।
চলিত সপ্তাহৰ ইণ্ডিয়ান আইড’লত শ্ৰোতালৈ আগবঢ়োৱা হ’ব বৰ্ষাৰ গীত।পৱনদ্বীপে পৰিৱেশন কৰিব কিশোৰ কুমাৰৰ কালজয়ী গীত ‘ৰিম ঝিম গিৰে ছাৱন…।’ অনুষ্ঠানৰ ৰেকৰ্ডিঙৰ অন্তত পৱনদ্বীপে কয়, তেওঁ প্ৰেমত পৰিছে। স্বাভাৱিকতে এই কথা শুনাৰ পাছত মানুহে তিলটোকে তালটো কৰিছে। পৱনদ্বীপৰ কৈছিল যে, তেওঁ এই পৰিৱেশৰ প্ৰেমত পৰিছে। জানিব পৰা মতে, অতিশীঘ্ৰে হিমেশ ৰেছমিয়াৰ নতুন এলবামত বাণীবদ্ধ কৰা হ’ব অৰুণিতা-পৱনদ্বীপৰ গীত।
Leave A Comment