জীয়ৰীৰ হাৰ্ডকৰ ফেন হৈ পৰিল পিতৃ! নতুন ছৱিত কন্যাৰ অভিনয় দেখি মহেশ ভাটে ক’লে- ''মই আলিয়াৰ অনুৰাগী!’’

২৮ জুলাইত মুক্তি পাব আলিয়া ভাট আৰু ৰণবীৰ সিং অভিনীত ছবি ‘ৰকি ঔৰ ৰাণী কি প্ৰেম কাহানি’। ছবিখনৰ পৰিচালক হৈছে কৰণ জোহৰ। ছবিখনৰ বিশেষ প্ৰদৰ্শনীত মায়ানগৰীৰ অধিকাংশ তাৰকা উপস্থিত হয়। আলিয়াৰ অভিনয় দেখি পিতৃ মহেশ ভাটে আপ্লুত আৰু গৌৰৱ অনুভৱ কৰিছে।

পৰিচালক হিচাপে মহেশৰ সুনাম আছে। বহু বছৰ ধৰি তেওঁ এই উদ্যোগত কাম কৰি আহিছে। তেওঁৰ প্ৰথম কন্যা পূজা ভাটো এই উদ্যোগৰ সৈতে জড়িত। নব্বৈৰ দশকৰ কেইবাখনো ছবিত অভিনয় কৰিছিল। আলিয়াৰ ছবিখন চোৱাৰ পাছতে ফটোগ্ৰাফাৰসকলে পৰিচালকৰ প্ৰথম কন্যা পূজা ভাটৰ বিষয়ে প্ৰশ্ন কৰিবলৈ ধৰিলে। মহেশে হাঁহি এটা মাৰি ফটোগ্ৰাফাৰসকলৰ প্ৰশ্ন এৰাই চলিছিল। কিন্তু পৰিচালকে উত্তৰ দিবলৈ নাপাহৰিলে। তেওঁ কয়- ''এতিয়া মই আলিয়া ভাটৰ অনুৰাগী।’’

 

উল্লেখ্য যে কন্যা ৰহাৰ জন্মৰ দুমাহৰ পাছত পুনৰ শ্বুটিং ফ্ল’ৰলৈ উভতি আহে নায়িকাগৰাকী। আলিয়াই দেশৰ বিভিন্ন চহৰ ভ্ৰমণ কৰি ছবিখনৰ প্ৰচাৰ চলাই আহিছে। কিছুদিন পূৰ্বে কলকাতাৰ পৰা ভ্ৰমণ কৰিছিল অভিনেত্ৰীগৰাকী। এই ছবিখনত আলিয়াই বঙালী চৰিত্ৰত অভিনয় কৰিছিল। চৰিত্ৰটোৰ নাম ৰাণী চেটাৰ্জী। বঙালী চৰিত্ৰত নায়িকাগৰাকীক দেখি দৰ্শক উৎফুল্লিত হৈ পৰিছে।