ডিজিটেল ডেস্কঃ ফিফা বিশ্বকাপ চাবলৈ কাটাৰ চৰকাৰৰ পৰা বিশেষভাৱে নিমন্ত্ৰিত হৈছে অনন্যা পাণ্ডে। সেয়ে চেমিফাইনেল চাবলৈ অচিৰেই উৰা মাৰিব অভিনেত্ৰীগৰাকী। দেউতাক চাংকি পাণ্ডেও লগত যাব।
উল্লেখ্য যে অভিনেতা চাংকি পাণ্ডেৰ ফুটবলৰ প্ৰতি বিশেষ আগ্ৰহ আছে। দেউতাকৰ দৰেই অনন্যাই ফুটবলভক্ত। জানিব পৰা মতে, অনন্যাই নেইমাৰ, ৱেইন ৰুণী আৰু ক্ৰিষ্টিয়ানো ৰোণাল্ডোৰ খেলা চাই ভাল পায়।
চলিত বিশ্বকাপৰ পৰা ইতিমধ্যে নেইমাৰ আৰু ৰোণাল্ডোৱে বিদায় লৈছে। সেয়ে ক’ব পাৰি যে অনন্যাই আৰ্জেণ্টিনা অথবা ফ্ৰান্সকে সমৰ্থন জনাব।
বলিউডতো জয়যাত্ৰা অব্যাহত আছে অনন্যাৰ। চলিত বছৰত ‘গেহৰায়াঁ’, ‘লাইগাৰ’ ইত্যাদি ছৱিৰ যোগেৰে চৰ্চাত আছিল তেওঁ। ২০২৩ চনত মুক্তি লাভ কৰিব ‘খো গয়ে হাম কহাঁ’ নামৰ ছৱিখনে।
Leave A Comment