এইবাৰৰ কাঁ ফিল্ম ফেষ্টিভেললৈ নিমন্ত্ৰণ লাভ কৰিলে অনুষ্কা শৰ্মাইঃ কি ভূমিকাত দেখা যাব অভিনেত্ৰীগৰাকীক?

শেহতীয়াকৈ ফ্ৰান্সৰ ৰাষ্ট্ৰদূতগৰাকীয়ে অনুষ্কা শৰ্মা আৰু বিৰাট কোহলীৰ সৈতে এখন ছবি পোষ্ট কৰি লিখিছে- ''বিৰাট কোহলী আৰু অনুষ্কা শৰ্মাক লগ পাই বৰ ভাল লাগিল। আগন্তুক প্ৰতিযোগিতাখনৰ বাবে টিম ইণ্ডিয়ালৈ সকলোৰে শুভেচ্ছা জনালোঁ। আৰু অনুষ্কালৈ তেওঁৰ কাঁ চলচ্চিত্ৰ মহোৎসৱৰ বাবে শুভেচ্ছা জনালো।’’

১৭ মে’ৰ পৰা আৰম্ভ হ’ব কাঁ চলচ্চিত্ৰ মহোৎসৱ। তাত চলচ্চিত্ৰ জগতৰ সৈতে জড়িত মহিলাসকলক সন্মান জনোৱা হ’ব। এই বঁটা প্ৰদান কৰিব অনুষ্কা আৰু হলিউডৰ বিখ্যাত অভিনেত্ৰী কেট উইন্সলেটে। এই উৎসৱ ২৩ মে’লৈকে চলি থাকিব। 

উল্লেখ্য যে অনুষ্কাৰ এয়া প্ৰথম কাঁ ভ্ৰমণ।  যোৱাবাৰ কান চলচ্চিত্ৰ মহোৎসৱত জুৰী ব’ৰ্ডৰ সদস্য আছিল দীপিকা পাডুকন। ঐশ্বৰ্য ৰায় বচ্চন আৰু সোণম কাপুৰেও বহু বছৰ ধৰি প্ৰসাধন সামগ্ৰীৰ ব্ৰেণ্ড এম্বেছাদৰ হিচাপে কাঁলৈ গৈছিল।