নিকে যেতিয়া প্ৰথমবাৰ প্ৰিয়ংকাৰ নাম্বাৰ বিচাৰিছিল, তেতিয়া আন এজনৰ স’তে হিয়া দিয়া নিয়া চলিছিল অভিনেত্ৰীগৰাকীৰ, জনালে নিজে

ব্যক্তিজনৰ নাম নোলোৱাকৈয়ে প্ৰিয়ংকাই কয়- ''টুইটাৰত যেতিয়া নিকে মোৰ নম্বৰ বিচাৰিছিল, তেতিয়া মোৰ পূৰ্বৰ সম্পৰ্ক অস্থিৰ হৈ পৰিছিল। সেইটো আছিল ২০১৬ চন। মোৰ কোনো শুভাকাংক্ষীয়েই সেই সম্পৰ্কত মই থকাটো নিবিচাৰিছিল।”

উল্লেখ্য যে প্ৰিয়ংকাতকৈ নিক দহ বছৰৰ সৰু। এই সম্পৰ্কতো প্ৰিয়ংকাই কয় যে তেওঁ দহ বছৰ সৰু কাৰোবাৰ লগত সম্পৰ্ক স্থাপন কৰিবলৈ দ্বিধাবোধ কৰিছিল। তেওঁ কয় যে তেওঁ প্ৰথম দিনকেইদিন নিকৰ লগত বেছিকৈ জড়িত হ’ব নিবিচাৰিছিল।

প্ৰিয়ংকাই কয় যে তেওঁলোকৰ বন্ধু-বান্ধৱী আনকি নিকৰ ভাতৃ কেভিন জ’নাছেও নিক-প্ৰিয়ংকাই একেলগে অধিক সময় কটোৱাটো বিচাৰিছিল। প্ৰিয়ংকাই প্ৰথমে নিকক তাইৰ ফোন নম্বৰটো দিব বিচৰা নাছিল কাৰণ তাই তেতিয়াও ৰিলেচনত আছিল। সেই সম্পৰ্কটো দীঘলীয়া আছিল, হঠাতে ভাঙিব পৰা নাছিল যদিও এদিন সেই প্ৰেম শেষ হৈ গ’ল।

প্ৰিয়ংকাই কয়, ‘মই প্ৰায় পাঁচ-ছয় বছৰ ধৰি এটা ছিৰিয়াছ ৰিলেচনত আছিল। কিন্তু যেতিয়া নিকে মোৰ নম্বৰটো ল’লে, আমি আড্ডা মাৰিবলৈ ধৰিলোঁ। পুৰণি সম্পৰ্কটো শেষ হ'ব ধৰিলে।’’

অভিনেত্ৰীগৰাকীয়ে মুকলিকৈ কয় যে তেওঁ সেই সময়ত নিকৰ সৈতে ৰোমাঞ্চ কৰিব নিবিচাৰিছিল, সম্পৰ্ক নিষ্পত্তি কৰিব বিচাৰিছিল। কিন্তু লাহে লাহে বুজিব ধৰিলে যে নিক এজন পৰিপক্ক মানুহ।

প্ৰিয়ংকাই এই সম্পৰ্কৰ উত্তেজনা প্ৰকাশ নকৰিলেও তেওঁৰ শেষবাৰৰ বাবে ৰাজহুৱা সম্পৰ্ক আছিল শ্বাহিদ কাপুৰৰ সৈতে। ২০০৯ চনত প্ৰথমবাৰৰ বাবে ‘কামিনে’ ছবিৰ চেটত লগ পোৱাৰ পিছত ২০১১ চনলৈকে তেওঁলোকৰ মাজত সম্পৰ্ক আছিল। ২০১৬ চনৰ পৰা নিক-প্ৰিয়ংকাৰ সম্পৰ্কৰ আৰম্ভণি ঘটে।

২০১৮ চনৰ ১ ডিচেম্বৰত তেওঁলোকৰ বিবাহ হয়। ২০২২ চনত চেৰ’গেচিৰ জৰিয়তে মাতৃ হৈছিল প্ৰিয়ংকা। ৩০ বছৰ বয়সতে ডিম্বানুখিনি সংৰক্ষণ কৰি ৰখা বুলি জনাইছিল অভিনেত্ৰীগৰাকীয়ে।