''মই যেতিয়া বাছৰ কণ্ডাক্টৰ আছিলো, তেতিয়া প্ৰতিদিনে মদ খাইছিলো, কিন্তু এইটো একেবাৰে ভাল কাম নাছিলঃ’’ ৰজনীকান্ত

কিন্তু ৰজনীকান্তৰো কিছুমান বেয়া অভ্যাস আছে। ইয়াৰে এটা হ’ল মদৰ প্ৰতি আসক্তি। শেহতীয়াকৈ এক সাক্ষাৎকাৰত অভিনেতাগৰাকীয়ে নিজৰ জীৱনৰ এই বেয়া অভ্যাসৰ বিষয়ে মুকলিকৈ আলোচনা কৰিছিল।

এটা সময় আছিল যেতিয়া তেওঁ প্ৰতিদিনে মদ খাইছিল বুলি অভিনেতাজনে নিজেই স্বীকাৰ কৰিছে। ইয়াৰ লগত আমিষ খাদ্যও আছিল। ইয়াৰ বাহিৰেও ধূমপানৰো আসক্তি আছিল।

ৰজনীকান্তে এক সাক্ষাৎকাৰত কয়, "যেতিয়া মই কণ্ডাক্টৰ আছিলো তেতিয়া মই প্ৰতিদিনে মদ খাইছিলো। ইয়াৰ বাহিৰেও তীব্ৰ ধূমপান। মোৰ দিনটো আৰম্ভ হৈছিল আমিষ খাদ্যৰে। দিনটোত কমেও দুবাৰকৈ আমিষ খাদ্য খাইছিলোঁ। স্বাস্থ্যৰ বাবে ভয়ংকৰ তিনিওটা কামেই কৰিছিলোঁ।''

অৱশ্যে মদ্যপানৰ আসক্তি তেওঁৰ জীৱনৰ আটাইতকৈ ডাঙৰ ভুল বুলিও স্বীকাৰ কৰে অভিনেতাগৰাকীয়ে। তেওঁৰ ভাষাত "মোৰ জীৱনত মদ নাথাকিলে সমাজৰ বাবে আৰু বহুত বেছি কৰিব পাৰিলোহেঁতেন। মদ মোৰ জীৱনৰ আটাইতকৈ ডাঙৰ ভুল। মই কোৱা নাই যে মদ একেবাৰে নাখাব। যেতিয়ালৈকে ই আনন্দ দিয়ে, ঠিকেই আছে। কিন্তু প্ৰতিদিনে খোৱাটো একেবাৰেই ভাল কাম নহয়। ই শৰীৰৰ লগতে মনৰো ক্ষতি কৰে।”