ডিজিটেল ডেস্কঃ দক্ষিণৰ অভিনেতা বিজয় দেৱেৰাকোণ্ডা আৰু ৰশ্মিকা মান্দান্নাৰ মাজত প্ৰেমৰ সম্পৰ্ক আছে বুলি প্ৰচাৰ হৈছিল। তেওঁলোকে এতিয়ালৈকে বিষয়টোৰ ওপৰত ৰাজহুৱাভাৱে একো কোৱা নাই যদিও পুনৰ চৰ্চালৈ আহিছে দুয়ো।
বিজয়ে তেওঁৰ অনুৰাগীসকলৰ বাবে সামাজিক মাধ্যমত এখন ফটো শ্বেয়াৰ কৰিছে। ফটোখনৰ উদ্দেশ্য আছিল নতুন বছৰক আদৰা। অভিনেতাজনে এখন সুন্দৰ ৰিজৰ্টত চুইমিং পুলত বিলাস কৰি আছে। আনহাতে, একে সময়তে ৰশ্মিকাইও ছ'চিয়েল মিডিয়াত অনুৰূপ এখন ফটো পোষ্ট কৰে।
ছবি দুখনৰ সাদৃশ্য দেখি সামাজিক মাধ্যমত আলোচনা আৰম্ভ হয় যে দুয়োজন তাৰকা একেলগে আছে নেকি? ইয়াৰ পিছত, ৰশ্মিকাই আন এখন ফটো পোষ্ট কৰে, য'ত অভিনেত্ৰীগৰাকীয়ে এখন চকীত বহি ৰৌদ্ৰস্নান কৰি আছে। কোৱা হৈছে যে দুয়োজনে পোষ্ট কৰা ছবিসমূহ মালদ্বীপৰ এটা ৰিজৰ্টত তোলা হৈছিল।
উল্লেখ্য যে বিজয় আৰু ৰশ্মিকাই ইতিমধ্যে 'গীত গোবিন্দম' আৰু 'ডিয়েৰ কমৰেড'ত একেলগে যুঁটি বান্ধিছিল। সূত্ৰ অনুসৰি, দুয়োকে শীঘ্ৰেই এখন নতুন ছবিত দেখা যাব।
Leave A Comment