মমতা বেনাৰ্জীৰ ঘৰলৈ আহিল ছলমান খানঃ কটকটীয়া নিৰাপত্তাৰে বেষ্টিত হৈ ১৩ বছৰৰ অন্তত কলকাতা ভৰি থৈছে বলিউডৰ ভাইজানে

শনিবাৰে বিয়লিৰে পৰা মমতাৰ ঘৰলৈ ঢাল খাইছিল ছলমান-ভক্তৰ ভিৰ। সন্ধিয়া ৪:২০ বজাত আৰক্ষীৰ নিৰাপত্তাৰক্ষীৰে পৰিৱেষ্টিত হৈ মুখ্যমন্ত্ৰীগৰাকীৰ ঘৰলৈ আহিছিল ছলমান। নীলা জিন্স আৰু আকাশনীলা টিচাৰ্ট পিন্ধা দেখা গ’ল তেওঁক। উত্তৰীয় পৰিধান কৰি মমতাই ছলমানক আদৰে৷

হৰিশ মুখাৰ্জী ৰোডৰ মমতাৰ ঘৰৰ আশে-পাশে ভিৰ কৰে অনুৰাগীসকলে৷ আনকি অনুৰাগীসকলে ছলমানৰ এটা লাইফ চাইজৰ কাটআউটো প্ৰদৰ্শন কৰে। কালিঘাটৰ নেতাজিনগৰ ছলমান খান ফেন ক্লাবৰ সদস্যসকলেও নায়কৰ পাবলৈ উপস্থিত হয়।

উল্লেখ্য যে প্ৰখ্যাত ফুটবল ক্লাব ইষ্ট বেংগলৰ শতবাৰ্ষিকী উপলক্ষে আয়োজিত সাংস্কৃতিক সন্ধিয়াৰ মঞ্চত শোভা বৰ্ধন কৰিব ছলমানে। ১৩ বছৰৰ অন্তত কলকাতালৈ আহিছে ছলমান৷ শেহতীয়াকৈ ছলমানে কেইবাটাও হত্যাৰ ভাবুকি লাভ কৰিছে৷ তালৈ লক্ষ্য ৰাখি কলকাতাৰ আৰক্ষীয়ে তেওঁৰ নিৰাপত্ত ব্যৱস্থা কটকটীয়া কৰি তুলিছে৷