ডিজিটেল ডেস্কঃ মুম্বাইত নিজাকৈ এটা ফ্লেট কিনিলে সামান্থা ৰুথ প্ৰভুৱে। শেহতীয়াকৈ তেওঁ নিজৰ ইনষ্টাগ্ৰামত বহুমহলীয়া অট্টালিকাৰ বেলকনিৰ পৰা সূৰ্যাস্তৰ এখন ছবি শ্বেয়াৰ কৰিছিল৷ তাৰ পিছতে দক্ষিণৰ জনপ্ৰিয় অভিনেতীগৰাকীয়ে মুম্বাইত ফ্লেট ক্ৰয় কৰাক লৈ অনুৰাগী মহলৰ মাজত জল্পনা-কল্পনা আৰম্ভ হৈছে৷
সূত্ৰ অনুসৰি, এইবাৰ সামান্থাই মুম্বাইত বাস কৰিব। দক্ষিণ মুম্বাইত সাগৰৰ ফালে মুখ কৰি থকা তিনিটা কোঠাৰ বিলাসী ফ্লেট ক্ৰয় কৰিছে অভিনেত্ৰীগৰাকীয়ে। যাৰ দাম প্ৰায় ১৫ কোটি। কিছুদিন পূৰ্বে আন এগৰাকী দক্ষিণৰ অভিনেত্ৰী ৰশ্মিকাইও মুম্বাইত নিজাকৈ ফ্লেট কিনিছিল।
এই মুহূৰ্তত সামান্থা ব্যস্ত আমেৰিকান কল্পবিজ্ঞানভিত্তিক ‘চিটাডেল’ ছিৰিজৰ শ্বুটিঙত। যোৱা বছৰ এন্থনী আৰু জো ৰুছ’ ভাতৃদ্বয়ে কৈছিল যে এইবাৰ ‘চিটাডেল’ চিৰিজটো ভাৰততো নিৰ্মাণ কৰা হ’ব। বৰুণ ধাৱনে ইয়াত নায়কৰ ভূমিকাত অৱতীৰ্ণ হ’ব৷
Leave A Comment