ডিজিটেল ডেস্কঃ শ্বাহৰুখৰ যাদু অনন্য। আঠৰ পৰা আশী সকলোৱে তেওঁৰ এই যাদুত মগ্ন। কিন্তু ইমান খ্যাতিৰ পাছতো শ্বাহৰুখৰ কোনো অহংকাৰ নাই। সেইবাবেই ৰাতি দুটা বজাতো অনুৰাগীক লগ কৰিলে বলিউডৰ বাদশ্বাহে।
জ্যোতিন গুপ্তা নামৰ ব্যক্তিজন শ্বাহৰুখ খানৰ অন্ধ অনুৰাগী। তেওঁ শ্বাহৰুখক লগ কৰিবলৈ উদ্বাউল হৈ আছিল। অৱশেষত এই সুযোগ লাভ কৰিলে তেওঁ।
ৰাতি দুবজাত হোটেলৰ কোঠাত লগ পায় বলিউডৰ বাদশ্বাহক। সমগ্ৰ মুহূৰ্তটোৰ ফটো জ্যোতিনে ছচিয়েল মিডিয়াত শ্বেয়াৰ কৰিছে। শ্বাহৰুখক ধন্যবাদ জনাই তেওঁ লিখে, "ৰাতি দুটা বজাত হোটেলৰ পৰা ফোন আহিছিল। তেওঁৰ স’তে লগ হৈ বহুত কথা পাতিছিলো। কোনো চুপাৰষ্টাৰে অনুৰাগীসকলৰ বাবে এনে নকৰে।’’
জ্যোতিনে আৰু লিখে যে ইমান ৰাতি বলিউডৰ বাদশ্বাহক আমনি কৰাৰ বাবে তেওঁ দুঃখিত। কিন্তু তেওঁ শ্বাহৰুখক ভাল পায়।
উল্লেখ্য যে শ্বাহৰুখৰ অনুৰাগীসকল বৰ্তমান 'পাঠান' জ্বৰত ভুগি আছে। ছবিখনৰ আঢ়ৈ মিনিটৰ ট্ৰেইলাৰটোৱে ধুমুহাৰ সৃষ্টি কৰিছে।
Leave A Comment