ডিজিটেল ডেস্কঃ বয়স বাঢ়িছে, কিন্তু একেই আছে সুস্মিতা সেন! সৌন্দৰ্যৰ সমানেই আকৰ্ষণীয় মিছ ইউনিভাৰ্ছগৰাকীৰ ব্যক্তিত্বও। শেহতীয়াকৈ ৱেব ছিৰিজ ‘আৰিয়া ৩’ত অভিনেত্ৰীগৰাকীয়ে কাম কৰিছে। ৱেব চিৰিজটোত তেওঁ অপৰাধজগতৰ সৈতে মোকাবিলা কৰা দেখা যাব। ইতিমধ্যে ৱেব চিৰিজটোৰ নতুন ছিজনত সুস্মিতাৰ লুকটো প্ৰকাশ পাইছে। ক’লা বগা ফটোখনত দেখা গৈছে যে চ্যুট-টাই পৰিহিত সুস্মিতাই খোলা চুলি আবিৰ্ভাৱ হৈছে।
ফটোখন সামাজিক মাধ্যমত সুস্মিতাই নিজে শ্বেয়াৰ কৰিছে। বয়স বাঢ়ি আহিলেও ফটোখনত প্ৰকাশ পোৱা সুস্মিতাৰ সৌন্দৰ্যত আপোনপাহৰা হৈ পৰিছে অনুৰাগীসকল। এগৰাকী মহিলা অনুৰাগীয়ে মন্তব্য কৰে- “আপুনি ইমান ধুনীয়া মহিলা! আপোনাৰ যি আত্মবিশ্বাস দেখিছো সেয়া ঈৰ্ষণীয়! কওকচোন, আপোনাৰ দৰে হ’বলৈ মই কি কৰিব লাগিব?’’
এই সন্দৰ্ভত সুস্মিতাই এটা তাৎপৰ্যপূ্ণ উত্তৰ দিলে। তেওঁ লিখে, “ভাল দেখাটোৱে সকলো নহয়, নিজৰ ব্যক্তিত্বৰ বিকাশ কৰক!’’ সুস্মিতাৰ এই উত্তৰে অনুৰাগীৰ হৃদয় জয় কৰিছে।
Leave A Comment