জুকাৰবাৰ্গে খোজকাঢ়িলে ফেশ্বন ৰেম্পত! বিলাসী পোছাক পিন্ধি লয়লাস ভংগী মেটাৰ মুৰব্বীৰ! কিন্তু সঁচাকৈয়ে এয়া জুকাৰবাৰ্গ হয়নে?

ভিডিঅ’টো ভাইৰেল হৈ পৰিছে। জুকাৰবাৰ্গৰ এই অৱতাৰত আগতে কোনেও দেখা পোৱা নাছিল। কেতিয়াবা গোলাপী ৰঙৰ পোছাক পিন্ধি, কেতিয়াবা উজ্জ্বল হালধীয়া ৰঙৰ পোছাক পিন্ধি তেওঁ ৰেম্পত খোজ কাঢ়িছে।

কিন্তু সঁচানে ভিডিঅ’টো? মেটাৰ কামৰ অশেষ ব্যস্ততা এৰি জুকাৰবাৰ্গে ৰেম্পত খোজকাঢ়িছেনে? বিশ্বৰ অন্যতম ধনী ব্যক্তিগৰাকীয়ে এই কাম কৰিবলৈ সময় পাইছেনে? মিছা নেকি জুকাৰবাৰ্গৰ এই অৱতাৰ।

হয়, মিছা। কৃত্ৰিম বুদ্ধিমত্তাৰ (এ আই) সহায়ত এই ভিডিঅ’ সৃষ্টি কৰা হৈছে। কিন্তু সেই আকৃতিটো ইমানেই নিখুঁত যে ইয়াক পৃথকভাৱে চোৱাৰ কোনো উপায় নাই। এই ক্ষেত্ৰত কৃত্ৰিম বুদ্ধিমত্তা ‘মিডজাৰ্নি’ প্ৰযুক্তি ব্যৱহাৰ কৰা হৈছে, যিয়ে কেৱল মাৰ্কৰ মুখখনেই নহয়, তেওঁৰ ইংগিতবোৰকো সঠিকভাৱে ফুটাই তোলাত সফল হৈছে।