ক’লা কাপোৰেৰে শৰীৰ ঢাকি 'পাঠান' উপভোগ কৰিবলৈ গ’ল দীপিকা ! মান্নাতৰ ছাদত উঠি হাত জোকাৰিলে শ্বাহৰুখে

কথাটোকলৈ  বলীউড এতিয়া সুখী। এনে সময়তে হঠাতে ছবি ঘৰলৈ'পাঠান' উপভোগ কৰিবলৈ গ’ল ছবি খনৰ অভিনেত্ৰী দীপিকা পাডুকন৷   ছবিখনৰ নায়িকা দীপিকা পাডুকনক মুম্বাইৰ এটা  থিয়েটাৰত দেখা পোৱাৰ পিছতে আনন্দিত হৈ পৰিল অনুৰাগীসকল । কিন্তু প্ৰথম দৃষ্টিত দীপিকাক কোনেও যেন চিনি পোৱাই নাছিল৷  দৰ্শকৰ পৰা হাত সাৰি থকাৰ বাবেই হয়তো দীপিকাই  ক'লা ৰঙৰ পোছাকেৰে নিজৰ শৰীৰ  ঢাকি ৰাখিছিল৷ মুখত পিন্ধিছিল  মাস্ক৷

একেদিনাই  শ্বাহৰুখ খানেও তেওঁৰ বাসভৱন  মান্নাতৰ ছাদলৈ ওলাই আহিছিল৷ হাত জোকাৰি শ্বাহৰুখে অনুৰাগীসকলক অভিবাদন জনায়৷ পাঠানক দিয়া মৰমৰ বাবেই শ্বাহৰুখে অনুৰাগীসকলক দূৰৈৰ পৰাই চুমা যাচে৷  

আনহাতে  দীপিকা মুম্বাইৰ বান্দ্ৰা অঞ্চলৰ বিখ্যাত থিয়েটাৰ গ্যালাক্সিলৈ ছবি খন উপভোগ কৰাৰ বাবে যায়৷ দীপিকাই ছবিগৃহত দৰ্শকৰ প্ৰতিক্ৰিয়ালৈ একান্ত মনেৰে লক্ষ্য কৰিছিল৷ 

উল্লেখ্য মুম্বাইৰ জনপ্ৰিয় চিনেমা হলটোৱে প্ৰথমবাৰৰ বাবে 'পাঠান' ছবিখনৰ বাবেই পূৰ্বৰ  নিয়ম ভংগ কৰিছে। পূৰ্বে  গ্যালাক্সিত দিনৰ ১২ বজাত শ্ব’  আৰম্ভ হৈছিল। এতিয়া পাঠানৰ বাবে  পুৱা ৯ বজাতেই  শ্ব’  আৰম্ভ  কৰা হৈছে৷