বিয়াৰ আগতেই গৰ্ভৱতী হৈছিল দেৱলীনা! সেয়েহে খৰখেদাকৈ বহিলে বিয়াতঃ মুখ খুলিলে অভিনেত্ৰীয়ে

বলীউডৰ অভিনেত্ৰী দেৱলীনা ভট্টাচাৰ্যৰ বিবাহে সামাজিক মাধ্যমত বিতৰ্কৰ সৃষ্টি কৰাৰ সময়তে এইবাৰ আন এক বিষয়কলৈ চৰ্চা হৈছে৷ একাংশৰ  মতে বিয়াৰ আগতে  দেৱলীনা গৰ্ভৱতী হৈছিল । সেইবাবেই  তেওঁ খৰখেদাকৈ বিয়াত বহাৰ   সিদ্ধান্ত লৈছিল। তেওঁক আলিয়া ভাটৰ  সৈতেও তুলনা কৰা হৈছে। অৱশ্যে দেৱলীনাই ইমান দিনে  মুখ বন্ধ ৰাখিছিল যদিও  অৱশেষত তেওঁ মুখ খুলিবলৈ বাধ্য হৈছে।

দেৱলীনাই কৈছে, "মই সঁচাকৈয়ে বুজি নাপাওঁ যে এজন ব্যক্তিৰ ব্যক্তিগত জীৱনত মানুহে এনেদৰে মূৰ সোমোৱাটো কিমান যুক্তি সংগত কথা। ভণ্ডামিৰো এটা  সীমা আছে। বহু মানুহে  আনক অত্যাচাৰ কৰাৰ সুযোগ এৰিব নোৱাৰে, নহয়নে? কাৰো সুখ বহুতে সহ্য কৰিব নোৱাৰে। মই  এই মন্তব্যবোৰক আৰু গুৰুত্ব দিবলৈ ইচ্ছুক নহওঁ"।অভিনেত্ৰীগৰাকীয়ে  বিয়াৰ আগতেই গৰ্ভৱতী হোৱা বুলি চলা অপপ্ৰচাৰ পোনচাটেই নাকচ কৰিছে৷