স্বাভাৱিক মৃত্যু হোৱা নাছিল অভিনেত্ৰী শ্ৰীদেৱীৰ! পাঁচ বছৰ পাছত নীৰৱতা ভংগ কৰি চাঞ্চল্যকৰ তথ্য সদৰী কৰিলে স্বামী বনি কাপুৰে

প্ৰসিদ্ধ অভিনেত্ৰী শ্ৰীদেৱীৰ ২০১৮ৰ ২৪ ফেব্ৰুৱাৰীত ডুবাইত ৫৪ বছৰ বয়সত হঠাতে মৃত্যু হোৱাত সকলোৱে হতবাক হৈ পৰিছিল। তেতিয়াৰ পৰা তেওঁৰ পৰিয়ালৰ কোনেও তেওঁৰ মৃত্যুৰ সম্পৰ্কে কোনো কথাই ৰাজহুৱা কৰা নাছিল৷ কিন্তু শ্ৰীদেৱীৰ মৃত্যুৰ পাঁচ বছৰৰ পাছত তেওঁৰ স্বামী বনি কাপুৰে শ্ৰীদেৱীৰ মৃত্যু সম্পৰ্কে নীৰৱতা ভংগ কৰিছে।

এটা ৰাষ্ট্ৰীয় সংবাদ প্ৰতিষ্ঠানৰে হোৱা বাৰ্তালাপত বনিয়ে কয়, এয়া প্ৰাকৃতিক মৃত্যু নাছিল; এইটো এটা দুৰ্ঘটনাজনিত মৃত্যু আছিল। মই এই বিষয়ে কথা নক’বলৈয়ে সিদ্ধান্ত লৈছিলোঁ৷ কাৰণ যেতিয়া মোক তদন্ত আৰু জেৰা কৰা হৈছিল তেতিয়া মই প্ৰায় ২৪ বা ৪৮ ঘণ্টা একেলগে এই বিষয়ে কথা পাতিছিলোঁ৷ বণি কাপুৰে লগতে কৈছিল, শ্ৰীদেৱীয়ে প্ৰায়ে ভোকত আছিল অথচ তেওঁ বাহিৰত ভালকৈ দেখাবলৈ বিচাৰিছিল। তেওঁ নিশ্চিত কৰিব বিচাৰিছিল যে তেওঁ ভাল অৱস্থাতেই আছে, যাতে পৰ্দাত তেওঁক ভাল দেখায়। তেওঁ মোৰ সৈতে বিয়া হোৱাৰ সময়ৰ পৰা, কেইবাৰমান ‘ব্লেকআউট’ কৰিছিল৷

অভিনেতা নাগাৰ্জুনেও প্ৰয়াত অভিনেত্ৰীগৰাকীৰ সৈতে একেধৰণৰ অভিজ্ঞতা থকাৰ কথা বণিৰ সন্মুখত প্ৰকাশ কৰিছিল। তেওঁ দৃশ্যগ্ৰহণৰ সময়ত মূৰ্চ্ছা যোৱা ঘটনাবোৰৰ বিষয়ে প্ৰকাশ কৰিছিল৷ 

পিছত যেতিয়া শ্ৰীদেৱীৰ মৃত্যু হৈছিল, নাগাৰ্জুনে সমবেদনা জ্ঞাপন কৰিবলৈ ঘৰলৈ আহিছিল আৰু তেওঁ মোক কৈছিল যে এখন চিনেমাৰ সময়ত শ্ৰীদেৱী পুনৰ ‘ক্ৰেছ ডায়েট’ত আছিল আৰু এনেদৰেই তেওঁ বাথৰুমত পৰিছিল আৰু দাঁত ভাঙি গুৰুতৰভাৱে আহত হৈছিল৷