মই কিয় হলিউডলৈ যাম‌? বলীউডেই আৰামদায়ক, শ্বাহৰুখৰ এই বক্তব্যত প্ৰিয়ংকাই ক'লে- আৰাম মোৰ বাবে বিৰক্তিকৰ

বলীউডৰ পৰা হলিউডলৈ যাত্ৰা কৰা প্ৰিয়ংকা চোপ্ৰাই কয় যে তেওঁৰ বাবে আৰামদায়ক জীৱনশৈলী বিৰক্তিকৰ। এটা সাক্ষাৎকাৰৰ সময়ত তেওঁক শ্বাহৰুখ খানৰ বক্তব্যৰ বিষয়ে সোধা হৈছিল, য’ত কিং খানে কৈছিল যে তেওঁ কিয় হলিউডলৈ যাব! বলীউডৰ আৰামদায়ক। এতিয়া প্ৰিয়ংকাই এই প্ৰশ্নৰ উত্তৰ দিছে।

প্ৰিয়ংকা চোপ্ৰাই এইকেইদিন নিজৰ পৰৱৰ্তী ৱেব চিৰিজ চিটাডেলৰ প্ৰচাৰ কৰিছে। এই ৱেব ছিৰিজটি আমাজন প্ৰাইমত (Amazon Prime Video) মুক্তি পাব। ইফালে প্ৰিয়ংকাক শ্বাহৰুখৰ বক্তব্য সন্দৰ্ভত সোধা হয়। এই কথাত প্ৰিয়ংকাই ক’লে, “আৰাম মোৰ বাবে বিৰক্তিকৰ। মই অহংকাৰী নহয়, মই আত্মবিশ্বাসী।"

প্ৰিয়ংকা চোপ্ৰাই কয়, ‘মই যেতিয়া চেটত যাওঁ তেতিয়া মই জানো যে মই কি কৰি আছো। মই অডিচন দিওঁ, কাম কৰো। মই যেতিয়া আন এখন দেশলৈ যাওঁ তেতিয়া মই এখন দেশৰ সফলতাৰ বোজা কঢ়িয়াই নিদিওঁ। এই সময়ত প্ৰিয়ংকাই কয় যে তেওঁৰ ইগো তেওঁৰ কামতকৈ ডাঙৰ নহয়।

এই সময়ত প্ৰিয়ংকা চোপ্ৰাই কয়, ‘মই অতি পেছাদাৰী, যদি আপুনি মোৰ চৌপাশৰ মানুহক সুধে , তেন্তে নিশ্চয় গম পাব যে মই মোৰ পেছাদাৰীতাৰ বাবে পৰিচিত। এই কথাত মই গৌৰৱ কৰো। দেউতা সেনাবাহিনীত আছিল আৰু তেওঁ মোক অনুশাসনৰ গুৰুত্বৰ কথা কৈছিল। তেওঁ মোক কৈছিল যে আপুনি পোৱা আদৰ্শক কেতিয়াও সহজভাৱে ল’ব নালাগে।

উল্লেখযোগ্য যে প্ৰিয়ংকা চোপ্ৰাই প্ৰায় আঠ বছৰ আগতে হলিউডলৈ বুলি খোজ দিছিল। কোৱাণ্টিকো ছিৰিজৰ পিছত ২০১৭ চনত বেৱাচত ড্ৱেইন জনছনৰ সৈতে কাম কৰিছিল। পিছলৈ তেওঁ আৰু বহু চৰিত্ৰত অভিনয় কৰে। আমেৰিকান গায়ক নিক জ’নাছৰ সৈতে বিবাহপাশত আবদ্ধ প্ৰিয়ংকা তাতেই থাকে। তেওঁৰ আগন্তুক ৱেব ছিৰিজ চিটাডেল ২৮ এপ্ৰিলত আমাজন প্ৰাইমত মুক্তি পাব।