"বাৰ্থ ডে গাৰ্ল" দীপিকাঃ কেৱল " পাঠান"-য়েই নহয়, প্ৰতি খন ছবিৰ মুক্তিৰ পূৰ্বে বিতৰ্কৰ মধ্যমণি দীপিকা!... জন্মদিনত হিয়া উজাৰি জনাওঁ আহক শুভেচ্ছা

শেহতীয়াকৈ, দীপিকাই 'পাঠান' চলচ্চিত্ৰখনৰ 'বেচৰম ৰং' গানটোত অভিনয় কৰি বিতৰ্কত  সোমাই পৰিছে। বহুতে প্ৰশ্ন উত্থাপিত কৰিছে দীপিকাই পিন্ধা  'গেৰুৱা' বিকিনিকলৈ। গানটোত শ্বাহৰুখ খানৰ সৈতে তেওঁৰ ঘনিষ্ঠ ৰসায়ন সম্পৰ্কেও প্ৰশ্ন উত্থাপিত হৈছে। অতীততো অভিনেত্ৰীগৰাকী তেওঁৰ বিভিন্ন চলচ্চিত্ৰ মুক্তিৰ আগতে কেইবাটাও বিতৰ্কৰ সৈতে জড়িত হৈ পৰিছিল।

'ৰাম লীলা'ত, দীপিকা আৰু ৰণবীৰ সিঙে ছবিখনত ৰাম নামটো উল্লেখ কৰাৰ বাবে বিতৰ্কৰ মাজত সোমাই পৰিছিল। বহুতেছবি খনৰ নামটোৱে  হিন্দুসকলৰ ধৰ্মীয় অনুভূতিক আঘাত হনা বুলি অভিযোগ কৰিছিল৷

দীপিকাই 'দম মাৰো দম' ছবিখনত টাইটেল ট্ৰেকত নাচিছিল। শিৰোনামটো সেই গানটোৰ পৰাই  লোৱা  হৈছিল। বহুতে এইবুলি আসোচনা কৰিছিল যে দেৱ আনন্দে সেই গানটোৰ বাবেই হয়তো  কষ্ট পাইছিল। 

'ছপাক'ৰ মুক্তিৰ আগতে দীপিকাই দিল্লীৰ জেএনইউত ’কা’ বিৰোধী প্ৰতিবাদত যোগদান কৰিছিল। সেই সময়ত তেওঁৰ উপস্থিতিক প্ৰচাৰ ষ্টান্ট বুলি বহুতে মন্তব্য কৰিছিল৷ 

মুক্তিৰ আগতে দীপিকাৰ  'পদ্মাৱত' ছবিখনকলৈয়ো বহুতে  আপত্তি কৰিছিল। তেওঁলোকে কৈছিল যে চলচ্চিত্ৰখনে ইতিহাসৰ এটা ভুল ঘটনা প্ৰতিফলিত কৰিছে। সেয়ে পিছত ছবি খনৰ নাম পদ্মাৱতীৰ পৰা পদ্মাৱত কৰা হয়৷ 

দীপিকাই 'ঘুমাৰ' গানটোত কৰা যৌনগন্ধী নৃত্যৰ বাবেই তেওঁক কঁকাল ঢাকি নাচিবলৈও বহুতে কৈছিল৷  বিতৰ্কৰ মাজৰেই আগবাঢ়ি গৈছে দীপিকা৷ আজি তেওঁৰ জন্মদিন, অভিনেত্ৰীগৰাকীক হিয়া উজাৰি জনাও আহক জন্মদিনৰ শুভেচ্ছা৷