ধৰ্মেন্দ্ৰৰ দ্বিতীয় পত্নী হোৱাত তীব্ৰ বিৰোধিতা কৰিছিল হেমা মালিনীৰ পিতৃয়ে, ওপজা দিনত প্ৰকাশ পাইছে এক আচৰিত কাহিনী

যদিও ধৰ্মেন্দ্ৰই বহু অভিনেত্ৰীৰ সৈতে ছবিত কাম কৰিছিল, তথাপিও তেওঁৰ আৰু হেমা মালিনীৰ সম্পৰ্কক পৰ্দাত ৰাইজৰ ভাল লগা হৈছিল। দুয়োজনে বহু ছবিত একেলগে কাম কৰিছিল আৰু দেখাতেই ইজনে সিজনৰ প্ৰেমত পৰিছিল। ১৯৮০ চনত যেতিয়া তেওঁ বিবাহ পাশত আৱদ্ধ হৈছিল, তেতিয়া সকলোৱে আচৰিত হৈছিল। যদিও তেওঁলোকৰ বিয়াৰ যাত্ৰা সহজ নাছিল। দুয়োজনে বহুত অসুবিধাৰ সন্মুখীন হ’বলগীয়া হৈছিল। আনকি ধৰ্মেন্দ্ৰেও হেমা মালিনীৰ পিতৃৰ ক্ৰোধৰ বলি হ’বলগীয়া হৈছিল।

আপোনালোকে জানে যে ধৰ্মেন্দ্ৰই প্ৰথমে প্ৰকাশ কৌৰক বিয়া কৰাইছিল। ধৰ্মেন্দ্ৰ আৰু প্ৰকাশৰ চাৰিটা সন্তান অজয় ​​সিং, বিজয় সিং,  বিজেতা আৰু অজেতা দেওল। বিয়া পতাৰ পাছতো হেমা মালিনী ধৰ্মেন্দ্ৰৰ প্ৰেমত পৰিছিল যদিও অভিনেত্ৰীগৰাকীৰ পিতৃয়ে তেওঁলোকৰ বিবাহত সন্মতি নিদিলে। দুয়োৰে সম্পৰ্কক লৈও তেওঁৰ  খং উঠিছিল। জীয়েক হেমাক কাৰোবাৰ দ্বিতীয় পত্নী হোৱা দেখিবলৈ তেওঁৰ মন নাছিল।

প্ৰবীণ অভিনেত্ৰী হেমা মালিনীৰ জীৱনৰ ওপৰত আধাৰিত গ্ৰন্থ ‘হেমা মালিনী: বিয়ণ্ড দ্য ড্ৰিম গাৰ্ল’ত উল্লেখ আছে যে ধৰ্মেন্দ্ৰৰ সৈতে থকা সম্পৰ্কৰ বিৰোধী আছিল হেমাৰ  পিতৃ-মাতৃ। কাৰণ তেওঁ ইতিমধ্যে বিবাহিত আছিল। হেমাৰ মাক-দেউতাকে জিতেন্দ্ৰক তেওঁলোকৰ জোৱাই হিচাপে পাব বিচাৰিছিল আৰু তেওঁলোকে বিয়াৰ বাবে তেওঁক পতিয়নো নিয়াইছিল। অৱশ্যে ধৰ্মেন্দ্ৰই পিতৃৰ সকলো উদ্দেশ্য ধ্বংস কৰি পেলালে। হেমা আৰু জীতেন্দ্ৰই যেতিয়া গোপনে বিয়া পাতিছিল, তেতিয়াই মদ্যপান কৰি ধৰ্মেন্দ্ৰই হুলস্থুলৰ সৃষ্টি কৰিছিল। সকলো নাটকৰ অন্তত অৱশেষত পৰিয়ালটোৱে পৰাজয় মানি ল’লে।

হেমাৰ পিতৃ-মাতৃ দুয়োৰে হেমা আৰু ধৰ্মেন্দ্ৰৰ প্ৰেম ভাল নাপালে যদিও হেমা ধৰ্মেন্দ্ৰক লৈ পাগল হৈ পৰিল। ধৰ্মেন্দ্ৰৰ প্ৰথম পত্নী প্ৰকাশ কৌৰেও বিবাহ বিচ্ছেদ দিবলৈ অস্বীকাৰ কৰে। এনে অৱস্থাত ধৰ্মেন্দ্ৰৰ ধৰ্মান্তৰকৰণ আৰু বিয়া হোৱাৰ এটাই উপায় আছিল। হেমা মালিনীয়ে তেওঁৰ বিয়ণ্ড দ্য ড্ৰিম গাৰ্ল নামৰ কিতাপখনত উল্লেখ কৰিছে যে তেওঁৰ পিতৃ যিকোনো মূল্যৰ বিনিময়ত তেওঁৰ বিবাহৰ বাবে সাজু নাছিল যদিও ইয়াৰ মাজতে ক দুৰ্ঘটনাত তেওঁৰ মৃত্যু হয়।