কেটৰিনাক ভয় কৰে বিকিয়ে...বিকিৰ ইনষ্টাগ্ৰাম প’ষ্টক লৈ তোলপাৰ ছ’চিয়েল মিডিয়া

ডিজিটেল ডেস্কঃ পৰিচালক ফাৰহা খানে ক্ৰ’ৱেচিয়াৰ পৰা অভিনেতা ভিকি কৌশলৰ সৈতে এখন ফটো শ্বেয়াৰ কৰিছে ছ’চিয়েল মিডিয়াত। ছবিৰ কেপচনত লিখিছে, ‘ছ'ৰী কেটৰিনা, তেওঁ আন কাৰোবাক বিচাৰি পাইছে।’ ছবিখনৰ  আৱহ সংগীত হিচাপে ‘কাল হো না হো’ ছবিৰ ‘কুছ তো হুৱা হ্যে’ গীতটিও জুৰিছে ফাৰাহ খানে।

পিছ পৰি ৰোৱা নাই কেটৰিনা। মিছেছ কৌশলেও দিছে আনকাংক্ষিত উত্তৰ। ফাৰহাৰ ইনষ্টাগ্ৰাম ষ্ট’ৰী শ্বেয়াৰ কৰি কেটৰিনাই লিখিছে, ‘মই আপোনাক অনুমতি দিলোঁ।’ লগত কেটৰিনাই আঁকি দিছে ভালপোৱাৰ ৰঙা ইম’জী। ইফালে,  বিকিয়ে লগে লগে ফাৰহাৰৰ ফটোখন নিজৰ ইনষ্টাগ্ৰাম ষ্ট’ৰীত শ্বেয়াৰ কৰি লিখিছে, ‘আমি ভাল বন্ধু।’ 

কেটৰিনাৰ মন্তব্যক ন্যায্যতা প্ৰদান কৰিবলৈ বিকিয়ে ফাৰহাৰ সৈতে এই ফটোখন শ্বেয়াৰ কৰিছে নেকি? জনাইছে তেওঁলোক ভাল বন্ধু! নেটিজেন সকলে বিকিৰ এই পোষ্টটোক লৈ ঠাট্টা-মস্কৰা কৰিবলৈ আৰম্ভ কৰিছে। একাংশই প্ৰশ্ন উত্থাপন কৰিছে,  বিকিয়ে পত্নী কেটৰিনাক ভয় কৰে নেকি? অৱশ্যে, বিকি-কেটৰিনা-ফাৰহাৰ কথা-বতৰা যে এটা ধেমেলীয়া কৌশল, সেয়া বুজিবলৈ বাকী নাই নেটিজেনৰ।

কৰ্মক্ষেত্ৰত অতি সোনকালে কেটৰিনাক ছলমান খানৰ বিপৰীতে ‘টাইগাৰ থ্ৰী’ত দেখা যাব। সম্প্ৰতি শ্ৰীৰাম ৰাঘৱনৰ ‘মেৰী ক্ৰীছমাছ’ ছবিখনৰ শ্বুটিংত ব্যস্ত হৈ আছে অভিনেত্ৰীগৰাকী। এই ছবিখনৰ জৰিয়তে তেওঁ প্ৰথমবাৰৰ বাবে বিজয় সেতুপতিৰ সৈতে কাম কৰিব।

 

আনহাতে, বিকিৰ হাতত আছে মেঘনা গুলজাৰৰ ছেম মানেকশ্বৰ বায়’পিক, ‘গোবিন্দ নাম মেৰা’ আৰু লক্ষ্মণ উটেকাৰৰ সৈতে ছাৰা আলী খানৰ শিৰোনামহীন এখন ছবি।