নতুন সমস্যাই দেখা দিছে বলিউডত! জনালে পৰিচালক ফাৰাহ খানে

অভিনেতা-অভিনেত্ৰীসকলে নিজাববীয়াকৈ অধিক লোকক চেটলৈ অনাটোৱে প্ৰযোজকসকলৰ ওপৰত আৰ্থিক হেঁচা প্ৰয়োগ কৰে বুলি ফাৰাহে কয়। এই প্ৰসংগত পৰিচালকে কয়, “এজন অভিনেতাই ৮ জনীয়া দল লৈ চেটলৈ আহে বা এগৰাকী অভিনেত্ৰীয়ে ৯ জনীয়া দল লৈ চেটত প্ৰৱেশ কৰে। এই সকলোবোৰ আগতে নহ’লহেঁতেন।” 

সেই অতিৰিক্ত লোকসকল কোনো কাৰণতে ছবিখনৰ সৈতে জড়িত নহয় বুলিও কয় ফাৰাহে। এই বিষয়ত নিয়ন্ত্ৰণ আনিবলৈ দাবী জনায়।

তেওঁ ছবিৰ বাজেট কেনেকৈ বৃদ্ধি পাইছে আৰু ছবিখনৰ লভ্যাংশ সংগ্ৰহত বাধাৰ সৃষ্টি কৰিছে তাৰ এক সহজ বিৱৰণ দিয়ে। তেওঁৰ মতে, স্পট বয় এজনে প্ৰতিদিনে গড়ে ২৫ হাজাৰ টকা উপাৰ্জন কৰাৰ বিপৰীতে এজন ব্যক্তিগত নিৰাপত্তাৰক্ষীয়ে ১৫ হাজাৰ টকা উপাৰ্জন কৰে। আনহাতে, ষ্টাইলিছৰ দাম প্ৰায় এক লাখ টকা। মুঠতে এজন শিল্পীৰ জনমূৰি খৰচ প্ৰতিদিনে কমেও ২০ৰ পৰা ২২ লাখ। এতিয়া এখন ছবিৰ শ্বুটিঙত প্ৰায় ৭০ দিন সময় লাগে। সকলো মিলি এই খৰচ প্ৰায় ১৫-২০ কোটি টকা পৰেগৈ। ফাৰহাই ছবিখনৰ বাজেটত অতিৰিক্ত খৰচ কমাবলৈ পৰামৰ্শ দিছে।