বিয়াৰ ১৮ বছৰৰ পাছত বিবাহ বিচ্ছেদ! সুখৰ সংসাৰ ভাঙিব ফাৰদীন খানৰ

প্ৰতিবেদন অনুসৰি, ফাৰদীন খানৰ পৰিয়ালৰ বন্ধুৱে কয় যে যেতিয়া নাতাশা আৰু ফাৰদীনৰ মাজত সন্তানৰ পঢ়া-শুনা সন্দৰ্ভত বিবাদৰ সৃষ্টি হৈছিল তেতিয়া তেওঁলোকৰ সম্পৰ্কত তিক্ততাৰ সৃষ্টি হৈছিল। নাতাশাই নিজৰ সন্তানে ডুবাইত পঢ়াটো বিচাৰিছিল আৰু ফাৰদীনে মুম্বাইত পঢ়াটো বিচাৰিছিল। এনেদৰে দুয়োৰে মাজত বিবাদ বৃদ্ধি পায়। দুয়ো পৃথক হৈ জীৱনটো নতুনকৈ আৰম্ভ কৰাটো ভাল হ’ব বুলি সিদ্ধান্ত লয়।

উল্লেখ্য যে নাতাশা প্ৰবীণ অভিনেত্ৰী মমতাজৰ কন্যা। ২০০৫ চনত নাতাশা আৰু ফাৰদীনে অতি আড়ম্বৰপূৰ্ণ শৈলীত বিবাহপাশত আবদ্ধ হৈছিল। ফিৰোজ খানৰ মৃত্যুৰ পাছৰে পৰা দুয়োৰে মাজৰ দূৰত্ব আহিবলৈ আৰম্ভ কৰিছিল বুলি শুনিবলৈ পোৱা গৈছে।

নাতাশা তেওঁলোকৰ সন্তানৰ সৈতে লণ্ডনত বাস কৰি থকাৰ বিপৰীতে ফাৰদীনে তেওঁৰ মাতৃৰ সৈতে মুম্বাইত আছে।