হলীউডত এআই অভিনেতা-অভিনেত্ৰীৰ প্ৰৱেশ! অভিনেতা-অভিনেত্ৰী-চিত্ৰনাট্যকাৰৰ ধৰ্মঘটত অচল হৈ পৰিল হলীউড

 'দ্য স্ক্ৰীণ এক্টৰ্ছ গিল্ড'ৰ আহ্বানত হলীউডৰ শিল্পী, চিত্ৰনাট্যকাৰ, কলা-কুশলীয়ে এই ধৰ্মঘটত ভাগ লৈছে। এয়া  ৪০ বছৰৰ পিছত  হলিউডৰ আটাইতকৈ ডাঙৰ ধৰ্মঘট বুলি  বুলি কোৱা হৈছে।সংগঠনটোৱে হলীউডৰ ডাঙৰ কোম্পানীবোৰক   দৰমহা বৃদ্ধি  আৰু উন্নত কামৰ পৰিবেশ সৃষ্টিৰ   দাবী জনাই আহিছে।   ইয়াৰ উপৰি এই মুহূৰ্তত হলীউডৰ সকলোৰে আটাইতকৈ ডাঙৰ চিন্তা হৈছে 'এআই' (কৃত্ৰিম বুদ্ধিমত্তা)। হলীউডত এআই অভিনেতা-অভিনেত্ৰীয়ে   ভুমুকি মাৰিব বুলি চৰ্চা চলি থকাৰ সময়তে বহুতে পেটৰ ভাত হেৰুওৱাৰ ভয়ত প্ৰতিবাদ কৰিছে।

হলীউডৰ আন  সংগঠনবোৰেও এনে প্ৰযুক্তিৰ ব্যৱহাৰৰ বিৰুদ্ধে মত দিছে।   প্ৰায় ১৬০,০০০ অভিনেতা আৰু অভিনেত্ৰীয়ে এআই প্ৰযুক্তিৰে সৃষ্টি কৰা অভিনেতা-অভিনেত্ৰীৰ বিৰোধিতা কৰিছে। চিত্ৰনাট্যকাৰসকলেও একেই দাবী কৰিছে। তেওঁলোক তেওঁলোকে প্ৰথমে বিভিন্ন উৎপাদন প্ৰতিষ্ঠানৰ শীৰ্ষ বিষয়াসকলৰ সৈতে তেওঁলোকৰ দাবীৰ বিষয়ে আলোচনা কৰিবলৈ এখন বৈঠকত বহিছিল।  কিন্তু বৈঠকৰ ফলাফল ইতিবাচক নোহোৱাত  অৱশেষত ধৰ্মঘটৰ ঘোষণা কৰা হয়। 

ধৰ্মঘট ঘোষণা কৰাৰ সময়ত  লণ্ডনত 'অপেনহাইমাৰ' ছবিৰৰ প্ৰচাৰ চলি আছিল। কিলিয়ান মাৰ্ফি আৰু এমিলি ব্লাণ্টৰ দৰে চেলিব্ৰিটিসকলেও ধৰ্মঘটৰ সমৰ্থনত ছবিখনৰ প্ৰচাৰ বন্ধ কৰি দিছিল আৰু সভাকক্ষৰ পৰা ওলাই গৈছিল। কেৱল ডাঙৰ পৰ্দাৰ তাৰকাসকলেই নহয়, সৰু পৰ্দাৰ অভিনেতা-অভিনেত্ৰীসকলেও এই ধৰ্মঘট সমৰ্থন কৰিছে। যদিও শেহতীয়াকৈ ষ্ট্ৰীমিং প্ৰযুক্তিৰ সম্প্ৰসাৰণে চলচ্চিত্ৰ ব্যৱসায়ক লাভান্বিত কৰিছে, ই চিত্ৰনাট্যকাৰ, অভিনেতা আৰু অন্যান্য শিল্পীসকলৰ স্বাৰ্থত বাধা সৃষ্টি কৰিছে। চিত্ৰনাট্যকাৰ সংস্থাই অভিযোগ কৰিছে  এআই-এ তেওঁলোকৰ উপাৰ্জনত বিভিন্ন ধৰণে বাধা প্ৰদান কৰিছে।