ব্ৰেকআপ হ'ল নেকি হৃতিক ৰোশনৰ ? প্ৰেমিকা সাবাক এৰি পাকিস্তানী অভিনেত্ৰীৰ সৈতে ডিনাৰ ডেটত দেখা গ'ল হৃতিকক...

আচলতে ভাইৰেল ছবিসমূহত হৃতিকক দেখা গৈছে ছাবা আদাজৰ বাহিৰে পাকিস্তানী অভিনেত্ৰী মহিৰা খানৰ সৈতে। ক’লা চুট পিন্ধি অভিনেতাগৰাকীক সদায়ৰ দৰেই ধুনীয়া দেখা গৈছিল, আনহাতে সোণালী ৰঙৰ গাউন পিন্ধা মহিৰাকো দেখাত অপ্সৰাতকৈ কম লগা নাছিল ।  একেখন টেবুলতে বহি দুয়োজন শিল্পীয়ে ইজনে সিজনৰ লগত হাঁহি হাঁহি কথা পতাৰ এই ছবি ভাইৰেল হোৱাৰ লগে লগে ছ’চিয়েল মিডিয়াত এক বেলেগ বিতৰ্কৰ সূচনা হয় । কেৱল এয়াই নহয়, আনকি এই সন্দৰ্ভত হৃতিক আৰু সাবাৰ সম্পৰ্কক লৈও একাংশই প্ৰশ্ন উত্থাপন কৰিবলৈ ধৰিলে।

ছবিসমূহৰ ওপৰত মন্তব্য কৰি এজন ব্যৱহাৰকাৰীয়ে লিখিছে, ‘ছাবাৰ সৈতে তেওঁৰ বিচ্ছেদ হৈছে নেকি?’ আনজনে লিখিলে, ‘আজি তেওঁৰ জীয়ৰী ক’ত?’। তৃতীয়জনে লিখিছে, ‘সাবা আজাদৰ সলনি মহিৰা খান থাকিলে ভাল আছিল।’ এই সকলোবোৰৰ বাহিৰে আন এজন ব্যৱহাৰকাৰীয়ে লিখিছে, 'দুয়োকে একেলগে বহুত ভাল লাগিছে, হৃতিক জীয়েকৰ বয়সৰ ছোৱালীজনীৰ বাহিৰে আন বিকল্প চাব লাগে।' 

হৃতিক আৰু মহিৰাক একেলগে দেখাৰ পাছত অভিনেতাজনৰ বিচ্ছেদ আৰু মহিৰাৰ সৈতে তেওঁৰ নতুন সম্পৰ্কক লৈ ৰাইজে জল্পনা-কল্পনা কৰিছে। অৱশ্যে এনেধৰণৰ কিবা এটা চিন্তা কৰাৰ আগতে কওঁ যে এই ছবিবোৰ চৌদি আৰৱত আয়োজিত লোহিত সাগৰৰ আন্তঃৰাষ্ট্ৰীয় চলচ্চিত্ৰ মহোৎসৱৰ। এই মহোৎসৱত হৃতিক আৰু মহিৰাৰ উপৰিও ভাৰতৰ লগতে বিদেশৰ বহু শিল্পীয়েও অংশগ্ৰহণ কৰে।

যদি আমি দুয়োৰে ৱৰ্ক ফ্ৰণ্টৰ কথা কওঁ, তেন্তে পাকিস্তানী অভিনেত্ৰী মহিৰা খানে বৰ্তমান তেওঁৰ ছবি ‘দ্য লিজেণ্ড অৱ মৌলা জাট’ৰ বাবে শিৰোনাম দখল কৰিছে। মুক্তিৰ পাছত এই ছবিখন অবিৰতভাৱে বাতৰিৰ শিৰোনাম দখল কৰি আহিছে। একে সময়তে দীপিকা পাডুকনৰ সৈতে ‘ফাইটাৰ’ত পুনৰ এবাৰ দেখা যাব হৃতিক ৰোশনক।