মুকলি হ’ল শ্বাহৰূখ খানৰ বহুপ্ৰত্যাশিত চলচ্চিত্ৰ 'জোৱান'ৰ প্ৰিভিউ; উৎফুল্লিত চলচ্চিত্ৰপ্ৰেমী

আজি পুৱা ১০.৩০ বজাত শ্বাহৰূখ খানৰ আটাইতকৈ প্ৰত্যাশিত ছবি ‘জোৱান’ৰ প্ৰিভিউৱে মুক্তি লাভ কৰে ৷প্ৰিভিউত কিং খানে আচৰিত ধৰণে বেলেগ বেলেগ চৰিত্ৰত সুন্দৰ অভিনয় কৰা দেখা গৈছে। অতি আকৰ্ষণীয় একচনৰ আভাসো পোৱা গৈছে প্ৰিভিউত। আনহাতে, কিং খানৰ ছবিখনৰ প্ৰিভিউ মুক্তি পোৱাৰ লগে লগে অনুৰাগীৰ পৰা প্ৰচণ্ড সঁহাৰি লাভ কৰে। অনুৰাগীসকলে ইয়াক আজিলৈকে শ্ৰেষ্ঠ টিজাৰ বুলি অভিহিত কৰাৰ লগতে ছবিখনক ব্লকবাষ্টাৰ হিচাপেও ঘোষণা কৰিছে।

আন বহু অনুৰাগীয়েও ‘জোৱান’ৰ একচনৰে পৰিপূৰ্ণ প্ৰিভিউৰ প্ৰশংসা কৰিছে। এজন অনুৰাগীয়ে লিখিছে, “এইখন ছবিয়ে বক্স অফিচৰ প্ৰতিটো বৰ্তমানৰ অভিলেখ ভাঙি পেলাব।”উল্লেখ্য যে,শ্বাহৰূখ খানো এইখন ছবিৰ দৰ্শকৰ মাজত সমাদৰক লৈ আশাবাদী৷যাতে এইখন ছবিয়ে পূৰ্বৰ সকলো অভিলেখ ভংগ কৰিব পাৰে৷