কি কাজল কি হৈ গ’ল, ৩১ বছৰৰ পিছত কিয় এনে হ’ল!

কাজলে তেওঁৰ স্বামী অজয় দেৱগনৰ সৈতেও বহু ছবিত অভিনয় কৰিছে। অৱশ্যে তেওঁ সদায়ে এটা কাম কৰাৰ পৰা বিৰত আছিল, সেয়া হৈছে  অতি অন্তৰংগ  দৃশ্যত অভিনয় কৰা।   এইবাৰ কিন্তু  অভিনেত্ৰীগৰাকীয়ে তেওঁৰ সেই নিয়ম ভংগ কৰিছে। অভিনেত্ৰীগৰাকীয়ে অ'টিটিত ভৰি দিয়াৰ লগে লগেই যেন পুৰণি কথাবোৰ এতিয়া সলনি হৈ পৰিছে।যুগৰ সৈতে মিলাবলৈয়েই যেন কাজলে এতিয়া অন্তৰংগ দৃশ্যতো অভিনয় কৰিছে। ফলত ভংগ হৈছে তেওঁৰ ৩১ বছৰীয়া নিয়ম। শেহতীয়াকৈ কাজলে অটিটি ছিৰিজৰ  'লাষ্ট ষ্টৰীজ ২'ৰ চতুৰ্থ অংশত দেৱযানী সিং নামৰ এটা চৰিত্ৰত অভিনয় কৰিছে। তাত তেওঁক  বৈবাহিক ধৰ্ষণৰ ভুক্তভোগী হিচাবে দে্খুওৱা হৈছে। 

তেওঁক শৃংখলাটোত তেওঁৰ সহ-অভিনেতা কুমুদ মিশ্ৰাৰ সৈতে এক অন্তৰংগ দৃশ্যত দেখা গৈছে। অভিনেত্ৰীগৰাকীয়েএনে  দৃশ্যত অভিনয় কৰাৰ কথাই তেওঁৰ বহু অনুৰাগীক হতভম্ব কৰি তুলিছে। বহুতে কৈছে-কি কাজল কি হৈ গ’ল, ৩১ বছৰৰ পিছত কি হ’ল।  উল্লেখ্য কাজলে বহুদিনৰ পিছত পৰ্দালৈ ঘূৰি আহিছে। তেওঁক বিশেষকৈ  অ'টিটি শৃংখলাত দেখা গৈছে। তেওঁ আমেৰিকান শৃংখলা 'দ্য গুড ৱাইফ'ৰ ভাৰতীয় সংস্কৰণ 'দ্য ট্ৰায়েল'ত মুখ্য চৰিত্ৰত অভিনয় কৰিছে। 'দ্য ট্ৰায়েল' শৃংখলাটোত কাজলে অধিবক্তা  নায়ানিকা সেনগুপ্তাৰ চৰিত্ৰত অভিনয় কৰিছে। কাজল আৰু বঙালী অভিনেতা যিশু সেনগুপ্তাই শৃংখলাটোত  দম্পতিৰ চৰিত্ৰত অভিনয় কৰিছে। শৃংখলাটো ১৪ জুলাইৰ পৰা হটষ্টাৰ অটিটি প্লেটফৰ্মত উপলব্ধ হৈছে।