মোকো গুলী মাৰিছিল; মা আৰু ভণ্টীক হত্যা কৰাৰ পাছত দেউতাই আত্মহত্যা কৰিছিল! এগৰাকী অভিনেতাৰ শিহৰণকাৰী জীৱন কাহিনী

২০ বছৰীয়া জন্মদিনত তেওঁ হেৰুৱালে পৰিয়ালটো। দেউতাকে মাক আৰু ভনীয়েকক গুলীয়াই হত্যা কৰিছিল। কমল সদানাই শেহতীয়াকৈ সিদ্ধাৰ্থ কাননক দিয়া এক সাক্ষাৎকাৰত নিজৰ অতীত বৰ্ণিত কৰিছে।

তেওঁ কয় যে তেওঁৰ পিতৃ প্ৰযোজক ব্রিজ সদানাই গোটেই পৰিয়ালটোক গুলীয়াই হত্যা কৰিছিল৷ কেৱল এয়াই নহয়, পিতৃয়ে কমলকো গুলীয়াইছিল। গুলীটো  তেওঁৰ ডিঙিত লাগিছিল, কিন্তু তেওঁ এই ঘটনাৰ পৰা ৰক্ষা পৰে। কমলে কয় যে ইয়াৰ বাবে তেওঁ বহু মানসিক আঘাতৰ সন্মুখীন হৈছে।  তেওঁ নিজৰ সমগ্ৰ পৰিয়ালৰ মৃত্যু হোৱা চকুৰ আগত দেখিছিল।

কমল সদানাই কয় যে এই ঘটনাৰ সময়ত তেওঁৰ বন্ধু হৰিও তেওঁৰ লগত আছিল আৰু তেওঁৰ হাততো গুলী লাগিছিল। মাক আৰু ভনীয়েকক গুলীয়াই হত্যা কৰাৰ সময়ত অভিনেতাজনে দৌৰি গৈ ওচৰ-চুবুৰীয়াক মাতি আনি চিকিৎসালয়লৈ লৈ গ’ল, কিন্তু দুৰ্ভাগ্যজনকভাৱে তেওঁ কাকো বচাব নোৱাৰিলে। সেই সময়লৈকে কমলে নিজেও গম পোৱা নাছিল যে তেওঁৰ দেহতো গুলী লাগিছে। যেতিয়া ডাক্তৰে তেওঁক সুধিলে যে ইমান তেজ কিয়? তেতিয়া অভিনেতাজনে কৈছিল যে হয়তো মা বা ভণ্টীৰ পৰা গাত তেজ লাগিছে।

এই কথা শুনি ডাক্তৰে তেওঁক ক’লে যে তেওঁকো গুলীচালনা কৰা হৈছে। চিকিৎসালয়ত ঠাই নথকাৰ বাবে ডাক্তৰে তেওঁক আন এখন চিকিৎসালয়লৈ যাবলৈ ক’লে।

কমল সদানাই কয় যে তেওঁ নিজৰ প্ৰতি সচেতন নাছিল। পৰিয়ালটোক লৈ তেওঁ চিন্তিত হৈ পৰিছিল।  পিতৃয়ে পাছত নিজকো গুলীয়াই আত্মহত্যা কৰে।
 
কমলে কয় যে দেউতাই মোলৈ মৰা গুলীটো ডিঙিৰ মাজেৰে পাৰ হৈ গৈছিল। তথাপিও মোৰ জীৱন ৰক্ষা পৰিল।

তেতিয়া কমলে বিশ্বাস কৰিছিল যে হয়তো কিছুমান ডাঙৰ কাম কৰিবলৈ আছে, যাৰবাবে তেওঁক ঈশ্বৰে ৰক্ষা কৰিলে। ইমানখিনি ডাঙৰ ঘটনা হৈ যোৱাৰ পাছতো পিতৃৰ প্ৰতি বেয়া ভাৱ নাই কমলৰ। কমলে কয় যে পিতৃয়ে তেওঁক বহুতো ভাল কথা শিকাইছে আৰু সেই শিক্ষাসমূহ অনুসৰণ কৰাটো তেওঁৰ বাবে গুৰুত্বপূৰ্ণ।

উল্লেখ্য যে কমল সদানাৰ ৱৰ্ক ফ্ৰণ্টৰ কথা যদি কওঁ, তেন্তে ২০২২ চনত তেওঁক ‘ছালাম ভেংকি’ ছবিত দেখা গৈছিল। ইফালে তেওঁ বহু হিট এণ্ড ফ্লপ ছবিতো কাম কৰিছে। টিভি ধাৰাবাহিকৰো অংশ কমল সদানা। কেৱল এয়াই নহয়, তেওঁ ছবি পৰিচালনা আৰু প্ৰযোজনাও কৰিছে। নায়ক হিচাপে তেওঁৰ কেৰিয়াৰ অতি কম।