তিনি সন্তানৰ মাতৃ কণিকা কাপুৰৰ দ্বিতীয় বিবাহ! ক'লে-‘‘ভগৱানে মোৰ জীৱনটো পুনৰ আৰম্ভ কৰিবলৈ শক্তি দিলে’’

বৰ্তমান ৪৩ বছৰীয়া কণিকাই মাত্ৰ ১৮ বছৰ বয়সতে জীৱনৰ প্ৰথম বিবাহ সম্পন্ন কৰিছিল। তেওঁৰ প্ৰথম স্বামীৰ নাম আছিল ৰাজ চান্দক। বিয়াৰ পাছত কণিকা আৰু ৰাজ চান্দক লণ্ডনলৈ স্থানান্তৰিত হয়। 

ৰাজ আৰু কণিকাৰ আয়ানা, ছামাৰা আৰু যুৱৰাজ নামেৰে তিনিটা সন্তান আছে। ২০১২ চনত ৰাজ আৰু কণিকাৰ বিবাহ বিচ্ছেদ ঘটে। ইয়াৰ পাছত ছিংগল মাদাৰ হৈ সন্তান তিনিটাৰ দায়িত্ব লয় কণিকা কাপুৰে।

 

কণিকা কাপুৰে কয় যে ‘‘মই কৃতজ্ঞ যে ভগৱানে মোক পৰাৰ পৰা উঠিবলৈ, অকলশৰীয়া মাতৃ হ’বলৈ আৰু মানুহে মোৰ ওপৰত শিলগুটি নিক্ষেপ কৰাৰ সময়ত মোৰ জীৱনটো পুনৰ আৰম্ভ কৰিবলৈ শক্তি দিলে।’’ উল্লেখ্য তেওঁৰ জীৱনলৈ এনেকুৱা সময়ো আহিছিল যেতিয়া আত্মহত্যা কৰাৰ কথা তেওঁৰ মনলৈ আহিছিল। সেইসময়ত কণিকাৰ সময়বোৰ দ্বিধাবোধ, আতংক আৰু ভয়ৰে ভৰি পৰিছিল। কিন্তু কিবা নহয় কিবা প্ৰকাৰে কণিকাই নিজকে চম্ভালি লৈ আগবাঢ়ি যাবলৈ চেষ্টা কৰিছিল। 

তেনে সময়তে পুনৰ কণিকাই গৌতম হাথিৰমণিৰ মাজত জীৱনৰ ৰং বিচাৰি পায়। জানিব পৰা মতে দুয়োজনে এবছৰ ধৰি ইজনে সিজনৰ লগত ডেটিং কৰি আছিল আৰু তাৰপাছতেই বিয়াৰ সিদ্ধান্ত লৈছিল। বিবাহ বিচ্ছেদৰ ১০ বছৰৰ পাছত পুনৰ গৌতমৰ সৈতে যুগ্ম জীৱন আৰম্ভ কৰিলে জনপ্ৰিয় কণ্ঠশিল্পীগৰাকীয়ে।

আৰু পঢ়কঃ পাইলছ ৰোগত ভুগিছে নেকি? এই ঘৰুৱা উপায় প্ৰয়োগ কৰি পাওক পৰিত্ৰাণ