কৰণ জোহাৰে ধ্বংস কৰিবলৈ বিচাৰিছিল অনুষ্কা শৰ্মাৰ অভিনয় কেৰিয়াৰ

২০০৮ চনত শ্বাহৰুখ খানৰ বিপৰীতে অভিনয় কৰি অনুষ্কা শৰ্মাই বলীউডত সফল আত্মপ্ৰকাশ কৰে। আদিত্য চোপ্ৰাই পৰিচালনা কৰা ছবিখনে বক্স অফিচত ছুপাৰ হিট হিচাপে মান্যতা লাভ কৰিছিল।

২০১৬ চনত ১৮ সংখ্যক এম এ এম আই মুম্বাই চলচ্চিত্ৰ মহোৎসৱৰ সময়ত কৰণে তেওঁৰ ছবি এ দিল হায় মুছকিলৰ মুখ্য অভিনেতা অনুষ্কা শৰ্মা আৰু ঐশ্বৰ্য ৰায়ৰ সৈতে ৰাজীৱ মাছন্দ আৰু অনুপমা চোপ্ৰাৰ সৈতে মঞ্চত মত বিনিময় কৰিছিল। অনুষ্কাৰ কথা কওঁতে এই মঞ্চতে কৰণে কৈছিল, "মই বিচাৰিছিলো, অনুষ্কা শৰ্মাৰ কেৰিয়াৰক সম্পূৰ্ণৰূপে হত্যা কৰিম।ঁ

আন এখন ছবিত অনুষ্কাৰ অভিনয়ে কেনেদৰে তেওঁৰ প্ৰতি থকা কৰণৰ ধাৰণা সলনি কৰিলে সেই কথাত তেওঁ কয় যে,"যেতিয়া মই বেণ্ড বাজা বাৰাত চাইছিলোঁ তেতিয়া মই তাইক ফোন কৰিছিলো আৰু মই অনুভৱ কৰিছিলো যে মই তাইৰ ওচৰত ক্ষমা বিচাৰি যাম আৰু মই অনুষ্কাৰ ওচৰত এটা প্ৰশংসাৰ ঋণী। কাৰণ মই সেই সময়ত যথেষ্ট লাজ অনুভৱ কৰিছিলো যে মই আচলতে এজন ব্যতিক্ৰমী প্ৰতিভা নষ্ট কৰি পেলাবলৈ ওলাইছিলো৷"