ডিজিটেল ডেস্কঃ অ’টিটি প্লেটফৰ্মত কপিল শৰ্মাৰ শ্ব’ ‘দ্য গ্ৰেট ইণ্ডিয়ান কপিল শ্ব’’ই দৰ্শকক যথেষ্ট মনোৰঞ্জন প্ৰদান কৰি আহিছে। গোবিন্দ, চাংকি আৰু শক্তি কাপুৰে এই সপ্তাহত অতিথি হিচাপে কপিলৰ অনুষ্ঠানত যোগদান কৰে। শ্ব’টোত তিনিওজন তাৰকাৰ উপস্থিতিয়ে ইয়াক আৰু অধিক বিশেষ কৰি তুলিছিল।
গোবিন্দ, চাংকি আৰু শক্তিয়ে নিজৰ সময়ৰ বহু আমোদজনক কাহিনী বৰ্ণনা কৰিছিল। যিটো দৰ্শকে বহুত ভাল পাইছিল। শ্ব’টোৰ শেহতীয়া প্ৰ’ম’ ওলাইছে। য’ত দৰ্শকে আগন্তুক খণ্ডটোত চিৰসেউজ সৌন্দৰ্য্যশালী ছুপাৰষ্টাৰ অভিনেত্ৰী ৰেখাক চাবলৈ পাব।
প্ৰ’ম’ত ৰেখাই কপিল শৰ্মাৰ সৈতে নিজৰ আচৰিত ধৰণৰ ষ্টাইলত শ্ব’টোত প্ৰৱেশ কৰে। এই সময়ছোৱাত তেওঁক বৰ ধুনীয়া দেখা গৈছে। ছ’চিয়েল মিডিয়াত অতি দ্ৰুতগতিত ভাইৰেল হৈ পৰিছে অনুষ্ঠানটোৰ প্ৰ’ম’। ইয়াৰ মাজতে প্ৰ’ম’ৰ এটা দৃশ্যত ৰেখাই অমিতাভ বচ্চনৰ কথা উল্লেখ কৰাৰ লগতে তেওঁৰ অনুকৰণো কৰা দেখা যায়।
‘দ্য গ্ৰেট ইণ্ডিয়ান কপিল শ্ব’’ৰ আগন্তুক খণ্ডটো অতি সুন্দৰ হ’ব। আচলতে প্ৰবীণ অভিনেত্ৰী ৰেখাৰ বাবেই শ্ব’টো আকৰ্ষণীয় হ’ব।
শ্ব’টোৰ শেহতীয়া প্ৰ’ম’ত দেখা গৈছে যে মেকাৰ আৰু কপিলে ৰেখাক উষ্ণ আদৰণি জনাইছিল। সোণালী শাৰী পৰিহিতা ৰেখাক বৰ ধুনীয়া দেখা গৈছিল। ৰেখাৰ ফ্লাৰ্টী ষ্টাইলটোও প্ৰমোটোত দেখা গৈছিল। তেওঁ প্ৰথমে কয় যে তেওঁৰ বয়স ৭০ বছৰ হ’ল আৰু তাৰ পিছত হঠাতে কয় যে তেওঁৰ বয়স ১৭ বছৰ। এই কথাত সকলোৱে জোৰেৰে হাঁহে।
অমিতাভ বচ্চনৰ কথা উল্লেখ কৰা হৈছিল
ৰেখাৰ সৈতে ধেমালি কৰি থাকোঁতে কপিল শৰ্মাই কৌন বনেগা কৌড়ৰপতিৰ শ্ব’টোৰ কথাও উল্লেখ কৰে। এই বিষয়ে অভিনেত্ৰীগৰাকীয়ে কয়, “মোক সুধিব, মোৰ প্ৰতিটো সংলাপ মনত আছে।” ইয়াৰ পৰাই ৰেখাই বুজাই দিলে যে তেওঁ নিয়মীয়াকৈ KBC চায়।
ৰেখাই শ্ব’টোত ৰোমান্টিক কবিতাও আবৃত্তি কৰা দেখা যায়। কেৱল এয়াই নহয়, অমিতাভ বচ্চনৰ গেটআপ পিন্ধি ৰেখাৰ লগত কৃষ্ণাইও বহুত নাচিছিল। যিটো দেখি ৰেখাই কয়, ‘মাৰ হি ডালা’।
Leave A Comment