আম্বানীৰ ঘৰৰ বনকৰা ছোৱালী আজি বলীউডৰ জনপ্ৰিয় নায়িকা, জানক ৰয়েল অভিনেত্ৰীৰ প্ৰকৃত পৰিচয়

• Image Credit: Internet

• May 25, 2022 | Pranita Bharali

ডিজিটেল ডেস্ক : লক্ষ্য সদায় স্থিৰ
আৰু ভাগ্য সদশয় হ’লে সফলতা এদিন আহিবই। এই কথা প্ৰমাণ কৰিলে বলীউডৰ বিতৰ্কিত অভিনেত্ৰীগৰাকীয়ে।
বিতৰ্ক আৰু সমালোচনাই সততে লগ নেৰা বলীউডৰ ‘ড্ৰামা কুইন’ হিচাপে
পৰিচিত ৰাখী সাৱন্ত। এটা সময়ত ৰাখী সাৱন্তে মুকেশ আম্বানীৰ পৰিয়ালত দাসী হিচাপে কাম
কৰিছিল। আজি সেই ছোৱালীজনীয়ে অভিনয় আৰু নৃত্যশৈলীৰে অগণন ভাৰতীয়ৰ হৃদয় জয় কৰিবলৈ
সক্ষম হৈছে।

 ১০ বছৰীয়া ছোৱালী ৰাখী সাৱন্তৰ
এই যাত্ৰা সহজ নাছিল। অতি সাধাৰণ পৰিয়ালৰ পৰা আহিছিল তেওঁ। মাক হস্পিতালৰ মেনেজাৰ
আৰু দেউতাক পুলিচ কনিষ্টবল আছিল। তেওঁ অতি ৰক্ষণশীল পৰিয়ালৰ আছিল। কিন্তু সৰুৰে পৰা
তেওঁ নাচি খুব ভাল পাইছিল। কিন্তু পৰিয়ালে তেওঁক কেতিয়াও নাচিবলৈ দিয়া নাছিল। আনকি
ককাকে চুলি কাটিছিল, যাতে তেওঁ কোনো নৃত্যতে অংশ ল’ব নোৱাৰে। কিন্তু ৰাখী সাৱন্তই কেতিয়াও
নিজৰ সপোনক বাধা দিব পৰা নাছিল। সকলো অসুবিধাৰ বিপৰীতে গৈ তেওঁ নিজৰ সপোনক বাস্তৱ ৰূপ
দিয়াৰ বাবে ঘৰৰ পৰা ওলাই আহিছিল। কিন্তু বলীউডত কাম পোৱাটো ইমান সহজ নাছিল। ১০ বছৰ
বয়সত যেতিয়া মুকেশ আম্বানীৰ ভাতৃ অনিল আম্বানী আৰু টিনা মুনিমৰ বিয়া হৈছিল তেতিয়া
তেওঁ মাত্ৰ ৫০ টকাতে খাদ্য পৰিৱেশন কৰিছিল।

 কিন্তু ইমানৰ পাছতো তেওঁ কেতিয়াও
হাৰ নামানিলে।আৰম্ভণিতে তেওঁ বলীউডত সৰু সৰু আইটেম গানত নাচিছিল। সৰু সৰু চৰিত্ৰতো
অভিনয় কৰিছিল। ছুপাৰষ্টাৰ শ্বাহৰুখ খানৰ ‘মাই হু’ত চুমা খোৱা দৃশ্যত অভিনয় কৰাৰ
পাছত তেওঁ লাইমলাইটলৈ আহে। ‘নাচ বলিয়’ত তেওঁ মিকা সিঙৰ সৈতে ৰাজহুৱা চুমা এটাও কৰিছিল
যিয়ে তেওঁক অতি জনপ্ৰিয় কৰি তুলিছিল। এই ঘটনাই জোকাৰি গৈছে তেওঁৰ ব্যক্তিগত জীৱনত।
পাছলৈ তেওঁ ‘ৰাখী সাৱন্ত কা স্বয়ম্বৰ’, ‘বিগ বছ ছিজন-১৪’ আদি ৰিয়েলিটি
শ্ব’ত অংশ
লৈ যথেষ্ট সমালোচিত হৈছিল। হিন্দীৰ বাহিৰেও তেওঁ তেলেগু, মাৰাঠী, তামিল, কানাড়া আদি
ভাষাত অভিনয় কৰিছে। এক কথাত ক’বলৈ গ’লে বলীউডত চলি থকা বিতৰ্কক তেওঁ সংগ কৰি চলিছিল। হয়তো সেইবাবেই
তেওঁ ইমান জনপ্ৰিয়।

 তেওঁৰ প্ৰকৃত নাম নিৰু
বেদা। পাছত তেওঁ বলীউড নাম সলনি কৰে। আমেৰিকাৰ ৰিতেশৰ সৈতে তেওঁৰ বিবাহ হৈছিল। কিন্তু
দীপক কলাৰৰ সৈতে ‘লাইভ ফুল বেড’ক লৈ তেওঁ চৰম বিতৰ্কিত হৈ পৰিছিল। পৰৱৰ্তী সময়ত ‘বিগ
বছ’ৰ প্ৰতিযোগী ইলেশ পাৰুজানৱালাৰ সৈতে সম্পৰ্ক গঢ়ি তোলে। কিন্তু সেই সম্পৰ্ক বেছিদিন
নিটিকিল। এটা সাক্ষাৎকাৰত ৰাখীয়ে কয় যে তেওঁ কেৱল টকাৰ বাবেহে এই এংগেজমেণ্ট কৰিছিল।
এক কথাত ক’বলৈ গ’লে তেওঁ বাৰে বাৰে বিতৰ্কৰ সন্মুখীন হৈ আহিছে। ২০১৪
চনত তেওঁ ৰাজ্যৰ আম জনতা পাৰ্টীৰ হৈ লোকসভা নিৰ্বাচনত থিয় দি পৰাস্ত হৈছিল। পৰৱৰ্তী
সময়ত তেওঁ আৰপিআইত যোগদান কৰে আৰু এই দলৰ পৰাই তেওঁ ৰাজ্যৰ উপ-সভাপতি হয়।