এসময়ত বেংক একাউণ্টত ৰৈছিলগৈ মাত্ৰ ২৫৭ টকা! কেৰিয়াৰৰ সংগ্ৰামৰ বিষয়ে জনালে 'নেচনেল ক্ৰাশ্ব’ মেধা শংকৰে

২০১৮ চনৰ পৰা আৰম্ভ হৈছিল মেধাৰ অভিনয় জীৱন। কিন্তু তাৰ মাজতে covid আহে। সেইসময়তে সৰ্বস্বাস্ত হৈ পৰে মেধা। বেংক একাউণ্টত মুঠ ২৫৭ টকা আছিল।

শেহতীয়াকৈ দিয়া এক সাক্ষাৎকাৰত মেধাই কয় যে, "২০২০ বিশ্বৰ সকলোৰে বাবে এক কঠিন বছৰ।" মোৰ বাবেও একেই আছিল। মোৰ একাউণ্টত মাত্ৰ ২৫৭ টকা আছিল।''

সৰুৰে পৰাই মেধাই ডাক্তৰ হ'ব বিচাৰিছিল। কিন্তু পিছলৈ ফেশ্বনৰ প্ৰতি তেওঁৰ আগ্ৰহ বাঢ়ি অহাৰ লগে লগে তেওঁ নতুন দিল্লীৰ এখন কলেজত ফেশ্বন মেনেজমেণ্টৰ সৈতে নামভৰ্তি কৰে। কলেজত থাকোঁতে মেধাই এখন চুটি ছবিৰ অডিচন দিছিল। অডিচনৰ পৰা নিৰ্বাচিত হৈছিল তেওঁক। কিন্তু সেই ছবিখনৰ শ্বুটিং সম্পূৰ্ণ হ’লেও কেতিয়াও মুক্তি নাপালে। কিন্তু সেই সময়ৰ পৰাই মেধাই অভিনয়ৰ কেৰিয়াৰ গঢ়ি তোলাৰ সপোন দেখিছিল। কলেজত থাকোঁতে মেধাই কেইবাখনো সৌন্দৰ্য প্ৰতিযোগিতাত অংশ লৈছিল। 

অভিনয়ৰে জীৱনত আগবাঢ়ি যাবলৈ ২০১৮ চনত নয়ডাৰ পৰা মুম্বাইলৈ গুচি যায়। যদিও তাৰ পিছত তিনি বছৰ অতি ধুমুহাময় হৈ গৈছে। ইয়াৰ পিছত ২০২২ চনত মেধাই বিধু বিনোদ চোপ্ৰাৰ ছবিৰ অডিচন দিয়ে। তেতিয়াই মেধাই অনুমান কৰিলে যে তেওঁ ৰ’লটো কৰিবলৈ ওলাইছে। মেধাই কয়, "প্ৰথম স্ক্ৰীণ টেষ্টৰ সময়ত মই উপলব্ধি কৰিছিলো যে এই ভূমিকা মোৰ বাবেহে। অৱশেষত বিধু ছাৰৰ পৰা ফোন আহিল যে মোক ছবিখনৰ মহিলা নায়িকা হিচাপে নিৰ্বাচিত কৰা হৈছে।''

তিনি বছৰ অভিনয় কৰাৰ পিছতো মেধাই নিজৰ পৰিচয় গঢ়ি তুলিব পৰা নাছিল। ২০২৩ চনত মুক্তি পোৱা ‘টুৱেলভথ ফেইল’ ছবিখনে তেওঁক কেৰিয়াৰৰ মাজভাগলৈ লৈ যায়। এই ছবিখনত তেওঁ এটি গীতো গাইছিল।