২৫০ কোটিৰ ঋণত ডুবি আছিল যশস্বী পৰিচালক নীতিন দেশাই; ঋণগ্ৰস্ততাই কাল হ’ল নেকি নীতিনৰ?

ফৰেনছিক পৰীক্ষাৰ বাবে প্ৰেৰণ কৰা নীতিন দেশাইৰ অডিঅ’ ৰেকৰ্ডাৰৰ পৰা ১১টা অডিঅ’ ক্লিপ উদ্ধাৰ হৈছে। অডিঅ’ ক্লিপটোত ৪ জন লোকৰ নাম উল্লেখ কৰা হৈছে, য’ত বলীউডৰ সৈতে জড়িত ২ জন লোকৰ নাম উল্লেখ কৰা হৈছে। অৱশ্যে তেওঁৰ নাম কি প্ৰসংগত লোৱা হৈছে সেয়া এতিয়াও জানিব পৰা হোৱা নাই। আৰক্ষীয়ে প্ৰথমে অডিঅ’ৰ তদন্ত কৰি তাৰ পাছত জাননী জাৰি কৰি সংশ্লিষ্ট লোকৰ বক্তব্য ৰেকৰ্ড কৰিব।

আৰক্ষীৰ সূত্ৰই লগতে কয় যে নীতিন দেশাই ৰেকৰ্ডিং কৰা অডিঅ’ত তেওঁ এডেলৱেইছ কোম্পানীৰ বাহিৰে আন কাকো দোষাৰোপ কৰা নাই। অডিঅ’ ক্লিপটোত তেওঁ কৈছে যে কেনেকৈ ইডেলৱেইছ কোম্পানীৰ বাবে নিজেই নীতিন দেশাই ডাঙৰ আৰ্থিক সমস্যাত পৰিছিল। কোম্পানীয়ে ছদ্মবেশত আহি মানসিক হাৰাশাস্তিৰ সন্মুখীন হ’বলগীয়া হোৱাত কেনেকৈ তেওঁ প্ৰতাৰিত হ’ল। দেশাইয়ে এডেলৱাইছ কোম্পানীৰ কাম-কাজত আপত্তি কৰি কেইবাটাও গুৰুতৰ অভিযোগ উত্থাপন কৰে। উল্লেখযোগ্য যে নীতিন দেশাই ১৮০ কোটি টকাৰ ঋণ লৈছিল, যিটো সুতৰ সৈতে ২৫২ কোটি টকা হৈ পৰিছিল, যিটো তেওঁ পৰিশোধ কৰিব পৰা নাছিল।

নীতিন দেশাই আৰু অডিঅ’ত কয় যে ৰাজ্য চৰকাৰে এই ষ্টুডিঅ’টোক বচাব লাগে। চৰকাৰে পদক্ষেপ গ্ৰহণ কৰি ষ্টুডিঅ’টো মোৰ বা মোৰ পৰিয়ালৰ বাবে নহয়, নতুন শিল্পীৰ স্বাৰ্থৰ বাবেই নিজৰ দায়িত্ব ল’ব লাগে। দেশাইয়ে তেওঁৰ অডিঅ’ ক্লিপত কৈছে যে এই ষ্টুডিঅ’ৰ জৰিয়তে উদীয়মান আৰু কঠোৰ পৰিশ্ৰমী শিল্পীৰ জন্ম হ’ব বুলি ষ্টুডিঅ’টো সংশ্লিষ্ট ঋণ প্ৰদানকাৰী বিত্তীয় প্ৰতিষ্ঠানক গতাই দিয়া উচিত নহয়।