অস্কাৰলৈ নিৰ্বাচিত হ’ল পাকিস্তানৰ ‘জয়লেণ্ড’, কিন্তু কিয় পাকিস্তানৰ চৰকাৰে নিষিদ্ধ কৰিছে চিনেমাখন?

• Image Credit: Internet

• Nov 14, 2022 | Pradyumna Gogoi

ডিজিটেল ডেস্কঃ অস্কাৰলৈ এখন চিনেমা নিৰ্বাচিত হোৱাটো এটা
গৌৰৱৰ বিষয়। কিন্তু পাকিস্তানৰ পৰা এইবাৰৰ অস্কাৰলৈ নিৰ্বাচিত হোৱা চিনেমাখন নিজৰ
দেশতে নিষিদ্ধ!

এই বছৰৰ অস্কাৰলৈ পাকিস্তানৰ পৰা ‘জয়লেণ্ড’ নামৰ ছৱিখন নিৰ্বাচিত
হৈছে। পাকিস্তানৰ পৰিচালক চইম চাদিমৰ এই চিনেমাখনক পাকিস্তান চৰকাৰে নিষিদ্ধ কৰি
ৰাখিছে।

অহা ১৮ নৱেম্বৰত ছৱিখনে পাকিস্তানত মুক্তি লাভ কৰাৰ কথা
আছিল। ৬ অক্টোবৰ তাৰিখে বিশেষ প্ৰদৰ্শনিও হৈ যায়।

কিন্তু মুক্তিৰ কেইদিনমান পূৰ্বে, পাকিস্তানৰ তথ্য আৰু
সম্প্ৰচাৰ মন্ত্ৰালয়ৰ আদেশ অনুযায়ী দেশখনৰ ১১ খন ৰাজ্যত নিষিদ্ধ কৰা হৈছে
‘জয়লেণ্ড’।

ছৱিখন পূৰ্বে কাঁ ফিল্ম ফেষ্টিভেলতো প্ৰদৰ্শন কৰা হৈছিল।
‘জয়লেণ্ড’ৰ যোগেৰেই বিশ্বপ্ৰসিদ্ধ ফিল্ম ফেষ্টিভেলখনত অভিষেক ঘটিছিল পাকিস্তানৰ।

কিন্তু কিয় পাকিস্তানত
নিষিদ্ধ হৈছে ‘জয়লেণ্ড’। জানিব পৰা মতে, ছৱিখনত আচলতে পাকিস্তানৰ পুৰুষতান্ত্ৰিকতা
আৰু নাৰী অৱদমনক প্ৰদৰ্শন কৰা হৈছে।

ছৱিখনৰ প্ৰধান চৰিত্ৰটো এটা
কট্টৰপন্তী মুছলিম পৰিয়ালৰ ল’ৰা। কট্টৰপন্থী পৰিয়ালৰ পৰা উলাই আহি সি এটা নৃত্য
গোষ্ঠীত যোগ দিয়ে। নৃত্য গোষ্ঠীটোতে এগৰাকী আধুনিক মহিলাৰ প্ৰেমত পৰে। ফলত পৰিয়ালৰ
লগত সংঘাতৰ সৃষ্টি হয়।

ছৱিখনত অভিনয় কৰিছে আলি
জুনেজা, আলিনা খান, ৰাস্তি ফাৰুকৰ দৰে অভিনেতা-অভিনেত্ৰীয়ে। ছৱিখন নিষিদ্ধ কৰাৰ
বিষয়ে চৰকাৰৰ তৰফৰ পৰা কোৱা হৈছে যে ছৱিখন দেশৰ সংস্কাৰ বিৰোধী আৰু সেইবাবে ই
অপসংস্কৃতি।